Maktab bozori-2024: o‘quv yiliga qayerda xarid qilish mumkin

Yangi o‘quv yiliga tayyorgarlik ko‘rish har bir oila uchun hamisha muhim va mas’uliyatli voqeadir. Ota-onalar farzandlari o‘qishni muvaffaqiyatli boshlashlari uchun barcha kerakli narsalar bilan ta’minlashga harakat qiladilar. Maktab formasi, kanselyariya ashyolari va boshqalarni sotib olish kerak. Xo‘sh, 2024-yilda maktab bozorini qayerda eng hamyonbop narxlarda qilish mumkin? Maqolada ota-onalar maktab bozori qilishlari mumkin bo‘lgan asosiy nuqtalar va joylarni ko‘rib chiqamiz, shuningdek, tayyorgarlik jarayonini kamroq stressli va samaraliroq qilish bo‘yicha foydali maslahatlar beramiz.

“Солнечный” (“Quyoshli”) kanselyariya bozori

Toshkentda o‘quv qurollarini xarid qilish uchun eng yaxshi joylardan biri “Солнечный”(“Quyoshli”) kanselyariya bozori hisoblanadi. Bozor o‘zining keng assortimenti, arzon narxlari va qulay joylashuvi bilan mashhur bo‘lib, o‘quv yiliga tayyorgarlik ko‘rish uchun ideal joydir.

“Солнечный” bozorida kanselyariya tovarlarining keng tanlovi taqdim etilgan. Bu yerda maktab uchun barcha kerakli narsalarni topishingiz mumkin: daftar, ruchka, qalam, flomaster, lineyka, penal va ryukzaklar. Assortiment zamonaviy trendlar va xaridorlarning ehtiyojlarini hisobga olgan holda muntazam ravishda yangilanadi. Misol uchun, bu yil avokado va BTS guruhi a'zolari kabi mashhur qahramonlar va urfdagi naqshlar tasvirlangan tovarlarga talab katta.

“Солнечный” bozori shahar aholisining aksariyati uchun qulay bo‘lgan Toshkentning Zangiota tumanida joylashgan. Bozor har kuni soat 8:00 dan 18:00 gacha ishlaydi, ota-onalar xoh ish kunlari, xoh dam olish kunlari borishlari mumkin. Bozorga jamoat transportida osongina yetib olish mumkin, shuningdek, avtomobilda kelishni afzal ko‘rganlar uchun avtoturargoh ham mavjud.

MUM xiyobonidagi kitob rastalari

Maktab bozorini qilish mumkin bo‘lgan yana bir variant. Kitob rastalari shahar markazida, Markaziy univermag (MUM) yonida joylashgan bo‘lib, Toshkentning aksariyat aholisi uchun qulay hisoblanadi. Bu jamoat transportida ham, shaxsiy avtomobilda ham kelish mumkin bo‘lgan joydir.

MUM xiyobonidagi kitob rastalari o‘quv adabiyoti, badiiy kitoblar, ma'lumotnomalar va ishchi daftarlarning keng tanlovini taklif etadi. Bu yerda maktab dasturining barcha fanlari bo‘yicha darsliklarni, shuningdek, chuqur o‘rganish uchun qo‘shimcha materiallarni topish mumkin. Shuningdek, barcha yoshdagi bolalarni qiziqtirishi mumkin bo‘lgan turli xil badiiy kitoblar ham taqdim etilgan.

Barcha bozorlarda qo‘shimcha rastalar

Avgust oyi boshiga kelib Toshkentdagi deyarli barcha bozorlarda kanselyariya buyumlari sotiladigan qo‘shimcha rastalar ochiladi. U yerda maktab uchun kerakli barcha narsalarni topishingiz mumkin, jumladan:

• daftarlar, kundaliklar, bloknotlar;
• ruchkalar, qalamlar, markerlar;
• lineykalar, sirkullar, o‘chirg‘ichlar;
• ryukzaklar, penallar va boshqa aksessuarlar;
• darsliklar, metodik materiallar.

Uzum Market

Agar o‘quv qurollarini xarid qilish uchun bozorga borishni xohlamasangiz, barcha kerakli narsalarni bir joyda buyurtma qilishingiz mumkin. Uzum Market — zamonaviy onlayn savdo maydonchasi bo‘lib, turli tovarlar, jumladan, o‘quv qurollarining keng assortimentini taklif etadi.

Uzum Market kanselyariya ashyolari, darsliklar, maktab formasi va aksessuarlarining keng tanlovini taqdim etadi. Katalogda quyidagilarni topish mumkin:

• turli format va dizayndagi daftarlar, kundaliklar, bloknotlar
• yozuv qurollari: ruchkalar, qalamlar, markerlar, flomasterlar
• lineykalar, sirkullar, o‘chirg‘ichlar va o‘quvchilar uchun boshqa vositalar
• ryukzaklar, penallar va boshqa maktab aksessuarlari
• fanlarni chuqur o‘rganish uchun qo‘shimcha materiallar;
• kiyim-kechak, poyabzal, aksessuarlar va boshqalar.

Saytda tez-tez katta savdolar o‘tkaziladi — tovarlarni katta chegirmalar bilan xarid qilishingiz mumkin. Shuningdek, market xaridorlar uchun qulay shartlar, jumladan, o‘quv qurollari to‘plamlari va komplektlarini xarid qilishda chegirmalar taqdim etadi.

Oilada bir nechta farzand bo‘lsa, qanday tejash mumkin

O‘quv yili oldidan xarid qilish — katta xarajatli tadbir, ayniqsa, oilada bir nechta farzand bo‘lsa. Quyida tejashga va oilaviy byudjetga u qadar og‘ir bo‘lmasligiga yordam beradigan bir nechta tavsiyalar beramiz:

• Ulgurji sotib oling. Ulgurji bozorlar katta miqdorda tovarlarni xarid qilishda sezilarli chegirmalarni taklif qiladi.
• Xaridlarni oldindan rejalashtiring. Shunda keskin oshgan narxlarda sotib olishga to‘g‘ri kelmaydi.
• Faqat kerakli narsalarni xarid qiling. Impulsiv xaridlar qilmaslik uchun kerakli narsalar ro‘yxatini tuzing.
• Ikkilamchi bozor. Masalan, e'lonlar saytidan yoki tanishlardan yaxshi holatdagi darsliklar yoki ryukzaklarni sotib olish mumkin.
• Aksiyalar va chegirmalarni kuzatib boring. Do‘konlar va Uzum Market kabi onlayn-platformalar ko‘pincha o‘quv yili oldidan chegirmalar va savdolarni taqdim etadi.

Puxta rejalashtirish va xaridlarga oqilona yondashish ortiqcha xarajatlarsiz bolalarni barcha zarur narsalar bilan ta'minlashga yordam beradi.