Hech qanday syurprizlarsiz: yangi iPhone 16 liniyasi haqida bilishingiz kerak bo‘lgan hamma narsa

Smartfonlar kattaroq displey, yangi tugma va sun’iy intellektga asoslangan funksiyalar bilan jihozlandi

9-sentyabr kuni Apple'ning har yilgi kuzgi taqdimoti bo‘lib o‘tdi. Kompaniya bir qator mahsulotlarning yangilanishi haqida gapirdi, bulardan eng asosiysi, albatta, iPhone bo‘ldi. Yangi liniyadagi smartfonlarning 128 Gb xotiraga ega bazaviy modelini 799 dollardan boshlab oldindan buyurtma qilish mumkin.

Ammo yangi versiya oldingi modellardan bunisiga o‘tishga arziydimi? Bu masalani ko‘rib chiqamiz.

iPhone 16 va Plus — yangi tugmalar va yangilangan dizayn

Apple o‘tgan yilgidek smartfonning to‘rtta asosiy modelini taqdim etdi. Bazaviy versiya va Plus yangilangan dizayn hamda mos ravishda 6,1 va 6,7 dyuymli displeylarga ega bo‘ldi. Yangilanish chastotasi avvalgidek 60 Gs ni tashkil etadi.

Endi ikkala modelning kameralari ham X va XS modellarining takomillashtirilgan versiyasiga o‘xshab, atigi ikkita asosiy moduldan iborat: 48 megapiksellik standart va 12 megapiksellik keng burchakli.

Yaxshilangan suratga olish sifatidan tashqari, yangi iPhone kameralari, jumladan, fazoviy fotosuratlar va chuqurlik effektiga ega videolar yaratishni qo‘llab-quvvatlaydi. Natijada ularni Vision Pro garniturasi yordamida biroz kengroq ko‘rish mumkin.

iPhone 16 va Plus modellarining asosiy yangiliklari bir vaqtning o‘zida ikkita yangi tugmaning paydo bo‘lishi bilan bog‘liq. Birinchisi, ilgari faqat Pro va Pro Max modellarida mavjud bo‘lgan Action Button tugmasi. Bu tugmani tezkor amallarni ishga tushirish uchun sozlash mumkin: masalan, chiroqni yoqish, smartfonni “Ovozsiz” rejimiga yoki aviarejimga o‘tkazish.

Ikkinchi tugma haqiqiy yangilik hisoblangan Camera Control bo‘ldi. Bir vaqtning o‘zida ham jismoniy, ham sensorli bo‘lgan bu tugmacha kamera bilan ishlash uchun mo‘ljallangan bo‘lib, nafaqat suratga olish, balki, masalan, birgina barmoq harakati bilan tasvirni yaqinlashtirish va uzoqlashtirish, fokusni yo‘naltirish yoki ekspozitsiyani sozlash imkonini beradi.

Shuningdek, Camera Control yordamida kamera obyektividagi obyekt yoki joy haqida tezda ma'lumot olish mumkin. Buning uchun smartfonni kerakli tomonga yo‘naltirib, tugmani bosish kifoya. Ammo kamchiligi ham bor — endi hatto bazaviy iPhone 16 va Plus'da ham odatiy ovozsiz rejimga o‘tish tugmasini topa olmaysiz.

Yangi iPhone'lar Apple Intelligence'ning sun'iy intellekt funksiyalarini to‘liq qo‘llab-quvvatlaydi. Dastlab ular faqat ingliz tilida mavjud bo‘ladi. Smartfon murakkab savollarga neyron tarmog‘i yordamida javob bera oladi, matn va tasvirlarni tahrirlashda yordam beradi, muhim bildirishnomalarni saralaydi va hokazo.

Shuningdek, smartfonlar A16 Bionic'dan 30% ga kuchliroq bo‘lgan yangi Apple A18 chipsetiga ega bo‘ldi. Yangi protsessorning energiya samaradorligi ham avvalgi chipga qaraganda 30% ga yuqori. Taqdimotda “temir”ni o‘yinlar uchun optimallashtirish haqida ham so‘z bordi — masalan, iPhone'da sovutish tizimi optimallashtirildi.

iPhone'ga allaqachon “katta” konsollardan Death Stranding yoki Resident Evil 8 kabi yirik o‘yinlar yuklagan. Yangi smartfonlar bunday loyihalarni ishga tushirishda yaxshiroq samaradorlik ko‘rsatadi, shuningdek, apparat nurlar trassirovkasini qo‘llab-quvvatlashi orqali tasvir sifati yanada yaxshilanadi.

Shu bilan oxirgi chiqqan iPhone'lardagi yangilanishlar ro‘yxati yakunlandi.

iPhone 16 va 16 Plus mos ravishda 799 va 899 dollardan boshlab sotiladi.

iPhone 16 Pro va Pro Max — kattaroq quvvat 

Oldingi modellar singari, yangi Pro va Pro Max endi tezkor harakatlarni ishga tushirish va kamera bilan ishlash uchun ikkita ko‘p funksiyali tugmaga ega. Bularsiz ham katta ekranlar mos ravishda 6,3 va 6,9 dyuymgacha kattalashdi. Displeylarning yangilanish chastotasi 120 Gs ga yetadi, bu esa ularda animatsiyani yanada tiniq va ravon qiladi.

Smartfonlar to‘rtta, shu jumladan oltin rangida ham taqdim etiladi.

Bundan tashqari, smartfonlar 48, 48 va 12 MP o‘lchamdagi uchta modulga ega an'anaviy kameralar bloki bilan jihozlangan. Yangilangan Apple A18 Pro chipseti hisobiga vide tasvirga olishda qayta ishlash ikki baravar tezroq amalga oshiriladi, ProRAW'da rasmga olish esa kechiktirmasdan amalga oshiriladi.

iPhone 16 Pro va Pro Max 120 fps yangilanish chastotasida 4K aniqlikdagi slow motion suratga olishi mumkin. Bunday ko‘rsatkichlarga Apple tarixida birinchi marta erishildi. O‘ta talabchan operatorlar uchun smartfonlar to‘rtta studiya sifatiga ega mikrofon bilan jihozlangan. Shu bilan birga, ular fazoviy audio yozish imkonini ham beradi.

Yangi “professional” iPhone video tasvirga olinganidan keyin ovozlarni fon tovushlaridan ajrata oladi. 16 Pro va Pro Max mos ravishda 999 va 1199 dollardan boshlab sotiladi.

Boshqa gadjetlar — Watch aqlli soatlari, AirPods quloqchinlari

Taqdimotda Apple'ning boshqa gadjetlari ham kichik yangilanishlardan chetda qolmadi. Birinchi navbatda Tim Kukning so‘zlariga ko‘ra, “tarixdagi eng ingichka” Apple Watch Series 10 namoyish etildi. Ularga musiqa tinglash uchun kuchli dinamik o‘rnatilgan, shuningdek, yozuv paytida ovozni yaxshilashi yoki xabarni o‘qib berishi mumkin bo‘lgan sun'iy intellektni qo‘llash imkoniyati qo‘shilgan.

Yangi soatlar, shuningdek, oldingi modellarga nisbatan 40 foizga yorqinroq bo‘lgan katta ekranga ega. Apple, shu jumladan, Series 10 ni titan korpusda, GPS bilan va GPS siz versiyalarda chiqaradi.

Apple Watch Ultra premium modeli ham yangilandi. Jilosiz qora rangda chiqariladi.

Bazaviy Series 399 dollardan boshlab, Ultra esa 799 dollarga sotiladi.

Quloqchinlar bilan bog‘liq vaziyat yanada qiziqroq bo‘ldi. Yangi AirPods 4 ga ilgari faqat Pro modelida ishlatilgan H2 chipi o‘rnatildi. Endi ular fazoviy audioni qo‘llab-quvvatlaydi, shuningdek, ikkita versiyada: faol shovqinni so‘ndirish texnologiyasi bilan va bu texnologiyasiz, mos ravishda 179 va 129 dollarga sotiladi.

Shuningdek, AirPods 4 Siri'ni bosh harakati bilan boshqarishga imkon beradi: qong‘iroqlarga javob berish uchun bosh silkitish kifoya.

Yangi AirPods Pro 2 eshitish qobiliyatini himoya qilish funksiyasiga ega. U musiqa balandligini tartibga soladi va shu jumladan, quloqlarni tashqi ta'sirlardan himoya qiladi. Keyinchalik, quloqchinlar sertifikatlanganidan so‘ng, eshitish apparati sifatida ham qo‘llanishi mumkin bo‘ladi. Yangi mahsulotning narxi 249 dollarni tashkil etadi.

AirPods Max bir nechta yangi ranglarga ega bo‘ldi va 549 dollardan boshlab sotilishda davom etadi.