Toshkentdagi savdo markazlari: ko‘ngil ochish uchun qayerga borish mumkin

O‘zbekiston poytaxti nafaqat tarixiy va madaniy maskanlari, balki zamonaviy savdo markazlari bilan ham mashhur. Bu savdo markazlari shahar aholisi va sayyohlar uchun keng ko‘lamli xizmat va ko‘ngilocharliklarni taklif etib, shahar hayotining muhim qismiga aylangan.

Oentdagi savdo markazlari nafaqat xarid qilish, balki dam olish, do‘stlar bilan uchrashish, oilaviy hordiq chiqarish va madaniy tadbirlar o‘tkazish joylaridir. Maqolada poytaxtning asosiy savdo markazlari, ularning xususiyatlarini ko‘rib chiqamiz va toshkentliklar eng ko‘p qaysi savdo markazini yoqtirishlarini bilib olamiz.

Tashkent City Mall

Toshkentdagi eng yirik va keng ko‘lamli savdo markazi. Poytaxtimizning markazidagi, Botir Zokirov ko'chasi, 7 manzili bo‘yicha katta va ko‘p funksiyali Tashkent City majmuasi hududida joylashgan. Bunday qulay joylashuv SMga shaxsiy avtomobilda ham, jamoat transportida ham osongina yetib olish imkonini beradi.

Tashkent City Mall shahar manzarasiga hamohang bo‘lgan zamonaviy dizayni va arxitekturasi bilan ajralib turadi. Savdo, ko‘ngilochar va gastronomik zonalarning noyob uyg‘unligi savdo markazining o‘ziga xos xususiyati bo‘lib, dam olish va xarid qilish uchun ideal joydir.

Tashkent City Mall'da jahon brendlarining o‘nlab do‘konlarini topishingiz mumkin. SM nafaqat keng savdo zonasi, balki ko‘ngilochar imkoniyatlari bilan ham mashhur:

• zamonaviy IMAX kinoteatri;
• bolali oilalar vaqtini quvnoq va xavfsiz o‘tkazishlari uchun xilma-xil attraksionlar va o‘yin zonalari;
• milliy va boshqa mamlakatlarning taomlarini tatib ko‘rish mumkin bo‘lgan restoran va kafelar.

Markaz barcha zarur qulayliklar, jumladan, axborot stendlari, lift va eskalatorlar bilan jihozlangan bo‘lib, savdo markazining hamma qavatlari va seksiyalariga kirishni osonlashtiradi.

— Mening eng yaxshi ko‘rgan savdo markazim — Tashkent City Mall. Uning ochilishini juda uzoq kutganman, lekin birinchi marta u yerga bir necha oydan so‘ng, shov-shuv pasaygach bordim. Hozir aytishim mumkinki, u yerga har ikki haftada muntazam boraman — muhiti va keng assortimenti menga yoqadi. Tashkent City Mall’ga asosan kiyim-kechak xarid qilish uchun boraman, chunki bu yerda Zara, Bershka va Mangoning rasmiy do‘konlari ochilgan. Xaridni yaxshi ko‘rishimga qaramay, doimo belgilangan byudjet doirasida qolishga va undan chetga chiqmaslikka harakat qilaman.

Anastasiya Dmitrenko,

savdo markaziga ikki haftada bir marta muntazam ravishdaborib turadi

Riviera

Riviera Toshkent shahrining Olmazor tumani, Nurafshon aylanma ko‘chasi, 5 manzilida joylashgan. Bu savdo-ko‘ngilochar majmua shaharning yirik transport arteriyasi yaqinida joylashgan bo‘lib, shaxsiy avtomobilda ham, jamoat transportida ham kelish mumkin

Riviera shunchaki savdo markazi emas, balki xarid qilish, o‘yin-kulgi, dam olish uchun keng ko‘lamli xizmat va imkoniyatlarni taklif qiluvchi to‘laqonli ko‘p funksiyali majmuadir. Riviera zamonaviy dizayni, qulay joylashuvi, do‘konlar va restoranlarning keng tanlovi tufayli Toshkentning eng ommabop joylaridan biriga aylandi. SM mijozlari uchun quyidagilar mavjud:

• o‘nlab do‘konlar;
• yaxmalak;
• kinoteatr;
• Luna Park bolalar ko‘ngilochar markazi;
• restoran, kafe, qahvaxonalar.

Mijozlarning qulayligi uchun SMda bir necha ming avtomobilga mo‘ljallangan katta avtoturargoh mavjud.

Vega Centre

Vega Centre Toshkent shahrining Yakkasaroy tumani, Shota Rustavelli ko‘chasi, 150 manzili bo‘yicha joylashgan. Bu yer poytaxt aholisi va mehmonlari orasida katta mashhurlikka ega. Savdo markazi turli toifadagi xaridorlarning ehtiyojlarini qondirish uchun keng assortimentdagi tovar va xizmatlarni taklif etadi.

Vega Centre'da kiyim-kechak va poyabzal, aksessuarlar, tekstil, kosmetika va parfyumeriya, mebel kabi ko‘plab do‘konlarni topishingiz mumkin. SMda savdo nuqtalaridan tashqari kinoteatr va bolalar o‘yin xonalari bo‘lgan ko‘ngilochar zona ham mavjudи.

Shuningdek, Vega Centre'da dunyoning turli oshxonalari bilan tanishish mumkin bo‘lgan restoran va kafelarning keng tanlovi mavjud. Fud-kortda tez ovqatlanish shoxobchalari ham, o‘zbek, yevropa, osiyo va boshqa oshxonalarni taklif etadigan restoranlar ham mavjud.

Mijozlarning qulayligi uchun  Vega Centre keng avtoturargoh taqdim etadi. Savdo markazi barcha qulayliklar, jumladan, liftlar, eskalatorlar, axborot stendlari bilan jihozlangan.

Next Mall

Poytaxtimizdagi eng zamonaviy savdo-ko‘ngilochar majmualardan biri bo‘lib, Yakkasaroy tumani, Bobur ko‘chasi, 6 manzili bo‘yicha joylashgan.

Next Mall ko‘plab do‘konlarni, jumladan, xalqaro va mahalliy brendlarni taklif qiladi. Bu yerda quyidagilarni topishingiz mumkin:

• turli brendlar do‘konlari;
• kosmetika va parfyumeriya mahsulotlarining keng tanlovini taklif qiluvchi butiklar;
• elektronika va maishiy texnikaga ixtisoslashgan do‘konlar;
• mebel va uy jihozlari do‘koni.

Toshkentdagi bu SM zamonaviy dizayni va qulay joylashuvi bilan ajralib turadi. Keng va yorug‘ xonalar xarid qilish va dam olish uchun yoqimli muhit yaratadi. Markaz mijozlarning qulayligi uchun barcha sharoitlar yaratilgan, shuningdek, ko‘ngilochar zonalar bilan jihozlangan:

• eng so‘ngi filmlarni tomosha qilish mumkin bo‘lgan zamonaviy ko‘p zalli kinoteatr;
• bolalar uchun turli attraksionlar va o‘yin zonalari.

Next Mall o‘zbek, yevropa, osiyo va boshqa oshxonalarning taomlarini ta'tib ko‘rish  mumkin bo‘lgan restoran va kafelarning keng tanlovini taklif etadi. Fud-kortda tez ovqatlanish shoxobchalari ham, to‘liq menyuli restoranlar ham mavjud. Tashrif buyuruvchilarning qulayligi uchun Next Mall keng avtoturargoh taqdim etadi.

— Menga Next savdo markazi yoqadi, chunki u ancha vaqtdan beri faoliyat yuritib kelmoqda va men uchun qulay joyda joylashgan. Garderobimni yangilash va savdo markazi ichida o‘tkaziladigan turli yarmarkalarda qatnashish uchun oyiga 3-4 marta borib turaman. Bundan tashqari, u yerda oziq-ovqat mahsulotlarini xarid qilish ham qulay. Xaridga borishdan oldin doimo nimani xohlayotganim va menga hozir nima zarurligini aniq ro‘yxat qilib olaman, so‘ng shunga asoslanib xaridlarimni amalga oshiraman. Issiq kunlarda atrofdagi hududda joylashgan Ice City’ga borish mumkinligi yoqadi. Bu yerda siz konkida uchish va attraksionlarda sayr qilishingiz yoki shunchaki qish havosida sayr qilishingiz mumkin.

Vladimir Pak,

savdo markazida keng qamrovli xarid qiladi

Samarkand Darvoza

Toshkentdagi savdo markazlarini ta'riflar ekanmiz, Samarqand Darvozani ham eslatib o‘tish kerak. Majmua Shayxontohur tumani Qoratosh ko‘chasi, 5A manzili bo‘yicha joylashgan. Savdo markazida turli-tuman tovarlar sotiladigan do‘konlar bor:

• kiyim-kechak va poyabzal (mahalliy va xalqaro brendlar);
• kosmetika, parfyumeriya, maishiy kimyoviy vositalar;
• elektronika va texnika;
• mebel, tekstil, idish-tovoq va boshqa uy-ro‘zg‘or buyumlari.

Majmuaning birinchi qavatida Magnum oziq-ovqat supermarketi joylashgan. Shuningdek, SMda atelye, go‘zallik saloni, bir nechta bank, kimyoviy tozalash va boshqa servis shoxobchalarini topishingiz mumkin.

Samarkand Darvoza zamonaviy va funksional dizayni bilan ajralib turadi. Savdo markazi binosi besh qavatdan iborat bo‘lib, har biri turli toifadagi tovarlar va xizmatlar uchun mo‘ljallangan. Keng va yorug‘ xonalar xarid qilish uchun qulay muhit yaratadi.

Samarqand Darvoza savdo markazida o‘yin-kulgi uchun ko‘plab imkoniyatlar mavjud: kinoteatr, barcha yoshdagi bolalar uchun o‘yin zonalari, kafe va restoranlar. Tashrif buyuruvchilarning qulayligi uchun 5000 o‘ringa mo‘ljallangan bepul avtoturargoh mavjud.

Mega Planet

Toshkentdagi ilk va eng yirik SMlaridan biri bo‘lib, Yunusobod tumani, Ahmad Donish ko‘chasi, 2B-uy manzili bo‘yicha joylashgan. Majmua har kuni minglab mijozlarni jalb qilib, turli do‘konlar, restoranlar va o‘yin-kulgilarni taklif etadi.

Mega Planetda ko‘plab do‘konlar bo‘lib, bu yerda quyidagilrni sotib olishingiz mumkin:

• kiyim-kechak, poyabzal va aksessuarlar;
• kosmetika va parfyumeriya;
• elektronika, maishiy texnika, aksessuarlar;
• uy-ro‘zg‘or buyumlari, kanselyariya ashyolari va boshqalar.

Mega Planet zamonaviy dizayn va funksional joylashuviga ega. Savdo markazi binosi qora qutini eslatib, unga o‘ziga xos ko‘rinish beradi. Yorug‘ va keng xonalari esa xarid qilish uchun qulay muhitni yaratadi.

Toshkentdagi bu savdo markazida quyidagi o‘yin-kulgilarni topishingiz mumkin:

• eng so‘ngi filmlarni tomosha qilish mumkin bo‘lgan ko‘p zalli kinoteatr;
• barcha yoshdagi bolalar uchun turli attraksionlar va o‘yin zonalari;
• faol hordiq chiqarish uchun keng bouling markazi;
• o‘yin avtomatlari.

Savdo-ko‘ngilochar majmua hududida 10 dan ortiq ovqatlanish shoxobchalari joylashgan bo‘lib, bu yerda shunchaki qahva ichishingiz yoki turli mamlakatlarning taomlaridan bahramand bo‘lishingiz mumkin. Mijozlarning qulayligi uchun Mega Planetda katta bepul avtoturargoh mavjud.

Compass Mall

Compass Mall — Toshkentdagi eng yirik va ommabop savdo-ko‘ngilochar majmualardan biri bo‘lib, Toshkent halqa avtomobil yo‘li, 17 manzili bo‘yicha joylashgan. Savdo markazi 40 000 kvadrat metr maydonni egallab, o‘ziga xos dizaynga ega, ko‘plab xizmat va ko‘ngilochar tadbirlarni taklif etadi. Compass Mall'da turli toifadagi tovarlarni taklif qiluvchi 160 dan ortiq do‘konlar mavjud.

Compass Mall zamonaviy dizayni va funksional tuzilishi bilan ajralib turadi. Savdo markazining tomi shishadan bo‘lib, atrium va koridorlarning tabiiy yoritilishini ta'minlaydi. Bu tashrif buyuruvchilar uchun yoqimli va yorqin sharoit yaratadi. SM o‘yin-kulgi uchun ko‘plab imkoniyatlarni taklif etadi — kino, bolalar uchun o‘yin zonalari, bouling va boshqa tadbirlar. Bu yerda kafe va restoranlar joylashgan fudkort, turli servis shoxobchalari va bir necha ming avtomobilga mo‘ljallangan ulkan avtoturargoh mavjud.

Bu savdo-ko‘ngilochar majmualarning barchasi yuqori sifatli xizmat ko‘rsatib, Toshkent aholisi va mehmonlarining turli ehtiyojlarini qondiradigan muhim madaniy va ijtimoiy markazlarga aylandi.