Premium bank kartalari qanday bonuslarni taqdim etadi: Mastercard misolida ko'rib chiqamiz

Tasavvur qiling: sayohat paytida aeroport qo'riqlash xizmatidan tezlashtirilgan tarzda o'tasiz va komfort sharoit yaratilgan biznes-zalida parvozingizni kutasiz, sug'urta haqida o'ylamaysiz, transport uchun kamroq to'laysiz va restoranlarda maxsus narxlardan foydalanasiz. Agar premium toifadagi bank kartangiz bo'lsa, bu va boshqa imtiyozlardan foydalanishingiz mumkin. Mastercard misolida barcha afzalliklar, shuningdek foydalanishning o'ziga xos foydasi haqida birma-bir aytib o‘tamiz.

Premium bank kartasi o‘zi nima

Texnik jihatdan u odatiy kartadagidek tuzilgan: plastik va ba'zan metall ko‘rinishida bo‘lib,  chip va kontaktsiz to'lov uchun NFC bilan jihozlangan, raqam va boshqa ma'lumotlarga ega karta hisoblanadi. Mastercardning yuqori darajadagi premium kartalari ko'pincha zamonaviy qora rangda ishlab chiqariladi va World Black Edition va World Elite deb nomlanadi.

World Black Edition va World Elite premium kartalari ko‘rinishiga misollar. Surat: Mastercard.

Asosiy farq — foydalanish va bonuslarda. Agar standart karta hisobdagi mablag'lar va "asosiy" sodiqlik dasturlari uchun kalit bo'lsa, premium karta ko'prog‘ini taklif qiladi. U nafaqat pulni xavfsiz saqlash, uni istalgan vaqtda boshqarish, O‘zbekistonda va xorijda xaridlar uchun to‘lov qilish, balki aksiya va chegirmalardan foydalanish imkonini beradi, pul egasi uchun imtiyozlar va qulayliklar yaratadi.

Premium bank kartasi nima beradi

Kartaning imtiyoz va qulayligi, ayniqsa, xorijda seziladi, lekin ular O‘zbekistonda ham ishlaydi, sayohat qilish, xarid qilish va restoranlarga borganda yanada yoqimli, oson va arzonroq bo‘ladi. Bank mahsulotlari bonuslari nimalarga qo‘llanilishini Mastercardning World Elite yoki World Black Edition misolida tushuntirish beramiz.

Sayohat vaqtidagi komfort

Parvoz oldidan xizmatlar va aeroportdagi komfort — sayohatchilar va ishbilarmonlar  premium kartalarda qadrlaydigan imtiyozlardan biridir. Bank mahsuloti bilan aeroport navbatlar yoki gavjum zal haqida o‘ylamasdan, bemalol safarga tayyorlanish va bortga chiqishdan oldin dam olish mumkin bo'lgan joyga aylanadi. Bu bonusning eng kami uchta qo‘shimcha qulayligi ham mavjud.

Fast-trek. Parvozdan oldingi rasmiyatchiliklarni tezlashtiradi. World Elite yoki World Black Edition kartalari egalari dunyoning ko'plab aeroportlarida Fast Track xizmatini bepul bron qilib, xavfsizlik nazoratidan osonroq o'tishlari mumkin, bu esa o‘z navbatida vaqtni tejash imkonini yaratadi. World Black Edition karta egalari yiliga 10 marta Fast Trackdan o‘tish, World Elite kartalari egalari esa  cheksiz foydalanishlari mumkin.

Ma'lum bir aeroportda yoki ma'lum bir karta uchun xizmat mavjudligini tekshirish, shuningdek yo‘lakni bron qilish (bronlash paytida taqdim etilgan QR-kod orqali kirish mumkin) uchun Mastercard Travel Experiences ilovasi yoki veb-saytida qidiruv joyiga aeroport, shahar yoki mamlakat nomini kiritib, amalga oshirish mumkin. Kartani tekshirish uchun tizim undagi 1 yevroni bloklaydi — bu blokirovka pul mablag'larining haqiqiy hisobdan chiqarilishiga olib kelmaydi va tekshirilgandan so'ng, darhol bekor qilinadi.

Biznes zallariga kirish imkoni. LoungeKey biznes zallarida bortga chiqishdan oldin kutish vaqtida dam olishingiz, tinch muhitda ishingizni qilishingiz, yengilgina gazak, issiq ovqatlar va turli xil ichimliklar bilan tamaddi qilib olishingiz mumkin. Biznes zallari BAA, Turkiya, Misr va boshqa ko‘plab mamlakatlarda — dunyoning jami 679 shahrida 1560 dan ortiq zallarda faoliyat yuritadi. World Black Edition karta egalari LoungeKey zallaridan yiliga 10 marta, World Elite egalari esa  cheksiz foydalanish imkoniyatiga ega.

Biznes-zalga kirish uchun sayohatga o'zingiz bilan premium Mastercard kartangizni olib ketishingiz va uni biznes-zalga kirishda ko‘rsatishingiz kerak. Boshqa varianti — LoungeKey mobil ilovasini yuklab olib, unga kartangizni ulash va kirish uchun ilovadan QR-kodni taqdim etish. Ilovada aeroport va terminalda kerak bo'lgan eng yaqin zalni topish va unda qanday qulayliklar borligini bilib olishingiz mumkin. Kartani tekshirish uchun kartadagi 1 AQSh dollari bloklanadi va darhol qaytariladi.

Restoranlarda maxsus takliflar. Yana bir bonus — aeroportdagi nonushta, tushlik yoki kechki ovqat uchun hisobni kamaytirish imkoniyati. Bunday kartalar egalari dunyo bo'ylab 450 ta restoranda 10% chegirma yoki 20 dollarlik vaucher oladilar. Maxsus takliflarni Mastercard Travel Experiences veb-sayti yoki ilovasida tekshirib olish mumkin. Misol uchun, Dubay xalqaro aeroportida dasturda 20 ta muassasa ishtirok etib, 25% gacha chegirma taqdim etadi.

Dubay aeroportidagi ba'zi restoranlar premium karta egalari uchun chegirma taklif qiladi. Surat: travelexperiences.mastercard.com

Sayohat sug'urtasi

Ba'zi mamlakatlarga sug'urtasiz borib bo‘lmaydi — u esa viza olish uchun kerak bo‘ladi. Ammo vizasiz yo'nalishlarga, jumladan, O‘zbekiston ichkarisida sayohat qilishda ham buni e'tiborsiz qoldirmaslik kerak. Hujjat kerak bo'lmagani juda yaxshi, lekin sog'liq uchun kutilmagan vaziyatlar yuzaga kelganda asqotadi.

Premium karta egalari uchun baxtsiz hodisalar va kasallik sug'urtasi imtiyozlar paketining bir qismi sifatida taqdim etiladi. U tibbiy xizmat xarajatlarni to'liq qoplaydi va plastik egasi va uning turmush o'rtog'i uchun baxtsiz hodisa yuz berganda, qo'shimcha (jami 1,5 million dollargacha) kompensatsiyani taminlaydi. Farzandlari, ota-onalari va uy yordamchilariga karta egasi uchun belgilangan limitning 25% gacha to'lovlar taqdim etiladi.

Nafaqat sog'liq va hayot, balki sayohat paytida komfort ham sug'urta qilinadi. Premium kartalar sayohat bekor qilinishi, parvozning kechikishi, bagajning yo'qolishi yoki kechikishidan ham himoyalaydi. Agar chamadon shikastlangan yoki parvoz 4 soat yoki undan ko'proq vaqtga kechiktirilgan bo'lsa, ular Mastercard yordamida kompensatsiya qilib beriladi.

Mastercard World Elite karta egalari uchun sug'urta dasturi bo'yicha kompensatsiyaning bir qismi. Surat: Mastercard

Eng asosiysi – oddiy va tez rasmiylashtirilishi. Sayohat sug‘urta mavjudligi haqidagi xatni olish uchun 16 xonali premium karta raqamidan foydalangan holda veb-saytga kirishingiz kerak. Shundan so'ng o'zingiz haqingizda qisqacha ma'lumotni to'ldirasiz — bir necha daqiqadan so‘ng hujjat ko'rsatilgan elektron pochtaga yuboriladi.

Bunda xat faqat viza olish uchun tasdiq sifatida kerak yoki ba'zi mamlakatlarga kirganda, sug'urtaning o'zi usiz ishlaydi — O‘zbekiston hududida (doimiy yashash joyidan 100 km uzoqlikda) va chet elga sayohat qilganingizda har qanday havo, quruqlik yoki suv transporti uchun chiptalarga premium karta orqali to'lovni amalga oshirish kifoya qiladi. Veb-saytda batafsil sug'urta shartlari bilan tanishish, shuningdek, sug'urta hodisasi yuz bergan taqdirda tovon to'lash uchun ariza topshirish mumkin.

Chet elda aloqa

Chet elda aloqada qolish uchun mahalliy uyali aloqa operatorlarining ofisini qidirish va smartfoningizdagi SIM-kartalarni almashtirish shart emas. Mastercard mijozlari chet elga kelgan zahoti eSIM-kartaga o‘tib, rouming orqali Internetdan foydalanishlari mumkin: World Elite karta egalariga yiliga 15 kun davomida 3 GB bepul taqdim etiladi, World Black Edition egalariga 5 kunga 1 GB. Agar ko'proq kerak bo'lsa, keyingi trafik paketlarini 15% chegirma bilan ulash mumkin.

Internet FlexiRoam ilovasi orqali taqdim etiladi. Provayder ma'lumotlarni uzatishning yuqori tezligini ta'minlaydi va dunyoning 200 dan ortiq mamlakatlarida ishlaydi.

"Chegarasiz keshbek"

"Chegarasiz keshbek" — Premium karta egalari uchun sodiqlik dasturi bo‘lib, bu xaridni yanada maroqli qilishga imkon beradi. "Chegarasiz keshbek" bilan yuqori sifatli kiyim va aksessuarlar, zamonaviy texnika va nufuzli mehmonxonalarda dam olishni taklif qiluvchi hamkor dasturlardan xaridlar uchun keshbek olishingiz mumkin. O'rtacha keshbek 10% ni tashkil qiladi, u ball ko‘rinishida emas, balki haqiqiy pul ko‘rinishida qaytariladi va xariddan keyin 30 kun ichida kartaga o'tkaziladi (lekin odatda tezroq).

«Chegarasiz keshbek» nafaqat manfaatli ekani bilan, balki qulayligi va oson foydalanilishi bilan ham jozibador hisoblanadi. Bonuslar internet orqali onlayn sarflanganda ham, xorijga sayohat vaqtida oflayn xaridlar qilganda ham to‘lab beriladi. Imtiyozlarning bir qismi “odatiy ravishda” beriladi: Mastercard premium kartasi bilan hamkor korxonada to‘lov qilib, keshbek o'tkazilishini kutasiz. Ammo dasturda ro‘yxatdan tezkor o‘tish va aksiyalarning to‘liq ro‘yxatiga kirish mumkin (va biz buni qilishni maslahat beramiz). "Chegarasiz keshbek" haqida batafsil ma'lumotni rasmiy ves-saytimizda va alohida materialimizda topishingiz mumkin.

Mastercard Travel Rewards dasturining geografiyasi. Surat: Mastercard

Mehmonxonalar

Mastercard hamkorlari — turli qit'alardagi mashhur kurortlar: Beyond Green, Preferred Hotels & Resorts, shuningdek, Four Seasons, Ritz Carlton, Marriott, Hyatt, Mandarin Oriental va boshqa hashamatli mehmonxonalardan xona bron qilish uchun HoteLux xizmatidir.

Premium bank kartalari bilan ushbu mehmonxonalarda qolish yanada yoqimli va arzonroq bo'ladi: mijozlar to'rt kechalik damni uch kecha narxiga oladilar. Boshqa mumkin bo'lgan bonuslar — xona toifasini oshirish, erta ro'yxatdan o'tishga, kech chiqish, transferlar va sovg‘a sifatida spa xizmatlari.

Boshqa brenddagi mehmonxonalarda, apartament yoki uylarda qoladiganlar uchun ham mos takliflar mavjud. Booking.com saytida istalgan turar joy variantini tanlab, karta orqali to'lovni amalga oshirib, xizmat doirasida hamyoningizga 10% gacha keshbek olishingiz mumkin.

Transport

Sayohat vaqtida ijaraga mashina olish kerak bo'lsa, to'lov tizimining imtiyozlari tegishli takliflarni o'z ichiga oladi. Hatto bir nechta. Masalan:

• Hertz - ijaraga 15% gacha chegirmalar, imkoni bo‘lganda, transport sinfini oshirish, ikkinchi haydovchi bepul xizmat ko'rsatishi va avtomashinani navbatsiz olish — nafaqat pul, balki vaqt ham tejaladi.
• Avis — xuddi shunga xizmatlar va 35% gacha chegirma.
• Rentalcars.com — narxni 10% ga pasaytirish.

Londonga ketayotganlar uchun yana bir taklif. Premium karta egalari Heathrow Express chiptalari uchun maxsus narxlardan foydalanishlari va Xitrou aeroportidan Paddington stansiyasiga eng tez va qulay tarzda yetib olishlari mumkin. Mastercard bilan Express va Business First toifasidagi chiptalar 12% arzonroq bo'ladi.

Restoranlar

Biznes-zallarga tashrif buyurish, rouming va sug'urta kabi imtiyozlardan tashqari, premium kartalar ko'plab imtiyozlar, chegirmalar va maxsus takliflar beradi — ayniqsa restoran sohasida. Toshkentdagi o‘nlab restoranlarda taomlarga buyurtma berish uchun arzonlashtirilgan narxlardan foydalanishingiz mumkin. Jumladan:

• Panosiyocha Kaizen, Yaponamama va «РИС», fransuzcha Michele Cafe Boutique, italyancha Giotto, Pasado mualliflik restoranlariga — 10% chegirma;
• Roni Pizza Napoletana pitseriyasi, Winesday Café & Wine Shopda nonushtaga — 15%.

Mastercardning ovqatlanish, xizmatlar, sog'liq va xaridlar bo'yicha hamkorlari. Surat: Mastercard

Xaridlar va xizmatlarga to'lov

Yana sayohat uchun ham, O'zbekistonda foydalanish uchun ham dolzarb bo‘lgan maxsus takliflar. Ular turli sohalarni qamrab oladi: ta'lim va sportdan tortib sog'liqni saqlash va xarid qilishgacha. World Elite yoki World Black Edition egalari uchun mavjud imtiyozlardan ba'zi misollar:

• “Toshkent gullari” gul do‘konlarida guldastalarga 15% chegirma;
• Toshkentdagi OPENLAB laboratoriyasi xizmatlari va Istanbuldagi Liv Hospitalda kompleks tekshiruvlarga 15% chegirma;
• Fiit onlayn fitnes darslariga 30 kun bepul va 25% chegirma;
• Yoox brendi kiyim va dekor do‘konida 5 ta xaridga 15% chegirma.

Premium kartalar uchun imtiyozlar o‘zgaruvchan: takliflar o'zgaradi va kengayib boradi. Mastercard rasmiy veb-saytida takliflarning muddati, yangi aksiyalar va imtiyozlarning to'liq ro'yxatini kuzatib borish mumkin.

Premium bank kartasini qanday olish mumkin

Ko'p narsa bankning shartlariga bog'liq. Ba'zi banklar premium kartani doimiy mijozlar tomonidan quyidagi shartlar bajarilganda beradilar: masalan, hisobdagi ma'lum qoldiqlar yoki xarajatlar miqdori. Boshqalar kartaga texnik xizmat ko'rsatish uchun to'lashga tayyor bo'lgan barcha manfaatdor iste'molchilarga taklif qilishadi, chunki u standart kartadan ko'ra qimmatroq.

Premium kartalarni O‘zbekistonning bir qator banklarida rasmiylashtirish mumkin — kredit tashkilotlarining rasmiy saytlarida ko‘rsatilgan tariflar bo‘yicha chiqarilishi mumkin. Shunday qilib, Mastercard World Elite chiqarish 200 - 700 ming so‘mga tushishi mumkin, plastikka yillik texnik xizmat ko‘rsatish esa bepul bo‘lishi yoki taxminan 600 ming so‘mni tashkil etishi mumkin.

Mahsulotdan foydalanish manfaatlimi? Agar sayohat qilayotgan bo'lsangiz, parvozdan oldin zallarda vaqt o'tkazishni, restoran va do'konlarga arzonroq kirib chiqishni xohlasangiz – albatta ha.

Misol uchun — kartaning afzalliklarini pul ko'rinishida hisoblab ko‘ramiz.

Yuqoridagi jadvalda mumkin bo'lgan xarajatlarning faqat kichik bir qismi ko'rsatilgan. Ulardan keladigan foyda bir yil davomida plastikka texnik xizmat ko'rsatishdan yuqori. Jadvalda faqat so'm, yevro yoki dollarda ifodalab bo'lmaydigan — premium kartadan foydalanishning komforti hisobga olinmagan.