Bolajonlarga Yangi yilga nima sovg‘a qilish mumkin

Bolajonlar uchun sovg‘a topish har doim qiyin vazifadir. Ham foydali bo‘ladigan, ham yoqadigan va juda sifatli bajarilgan sovg‘a tanlashni istaymiz. Sovg‘ani tanlashda bolaning yoshi va qiziqishlariga e’tibor qaratish kerak. Shuningdek, uni original tarzda taqdim etish muhimdir. Sovg‘a sifatida nima tanlash va uni qanday taqdim etish mumkinligini aytib beramiz.

0 yoshdan 1 yoshgacha bo‘lgan bolajonlar uchun sovg‘alar

Kichkintoylar bayramning sababni tushunmasliklari mumkin, lekin  yangi o‘yinchoqlarga har doim xursand bo‘ladilar. 6 oygacha bo‘lgan bolalar uchun ohangdor shaqildoqlar, qiziqarli tishlagichlarni tanlash mumkin. Kattaroq bolalar marakaslar, musiqiy o‘yinchoq, sorter va to'plarni yaxshi ko‘radilar va bunday sovg‘alarga quvonadilar.

O‘yinchoqlardan tashqari, rivojlantiruvchi gilamchalarni tanlash mumkin: yoy, tugma va tovush elementlariga ega turlari mavjud. Shu bilan bir qatorda, o‘yinchoqlar suvda harakatlanadigan akvagilamchalar ham ajoyib sovg‘a bo‘ladi. Ota-onalarning hayotini yengillashtirish uchun shezlong, musiqiy mobil yoki oq shovqin va qo‘shiqlar aytishni biladigan aqlli quyoncha Aliloni sovg‘a qilish mumkin.

• Musiqiy o‘yinchoq
• Shaldiroq kitobcha
• Pianino gilamcha
• O‘yinchoq musiqiy telefon

Qanday taqdim etish mumkin. Bu juda muhim emas: bolalar hali bayramlarning ma'nosini tushunmaydilar va begona odamdan, u hatto Qorbobo kostyumida bo‘lsa ham, qo‘rqishlari mumkin. Shuning uchun, sovg‘ani karovatiga, archa ostiga qo‘yish yoki shunchaki o‘ralgan sovg‘ani qo‘llariga topshirish mumkin.

1 yoshdan 3 yoshgacha

Bu yoshda bolalar atrofidagi dunyoni juda faol o‘rgana boshlaydilar. Ularning nutqi, mayda qo‘l motorikasi va harakatlar koordinatsiyasi rivojlanadi. Shuning uchun bayramlarda turli xil rivojlantiruvchi o‘yinchoqlarni sovg‘a qilish mumkin. Masalan, magnit yoki plastik konstruktor, yog‘och pazllar, musiqa asboblari, temir yo'l, sodda stol o‘yinlari.

Bolajon odamlar turli xil rollarga ega ekanligini tushunadi va ularga taqlid qilishga harakat qiladi: ovqat pishirish, mixlarni urish, kompyuterda yozish. Shuning uchun, bu yoshdagi bolalarga syujet-rolli o‘yinlar ham juda qiziqarli bo‘ladi. Masalan, bolalar oshxonasi, qo‘g‘irchoq uyi, mashinalar uchun garaj, politsiyachi yoki shifokor to‘plamlari.

• Magnit baliq ovlash
• Magnit konstruktor
• Bolalar superkompyuteri
• Idish-tovoqli oshxona

Qanday taqdim etish mumkin. Bu yoshda bolalar sehr va ertaklarni istaydilar. Shuning uchun, sovg‘ani muzlatgichda saqlash mumkin, shunda bolajon uning istagini Yangi yil sehrgari amalga oshirganiga ishonadi.

3 yoshdan 7 yoshgacha bolalar uchun sovg‘alar

Maktabgacha yoshdagi bolalarda aqliy jarayonlar shakllanadi: xotira, diqqat, fikrlash, tasavvur. Bu davrda diqqatni jamlashni, mantiq, tasavvur, mayda qo‘l motorikasini rivojlantirishni o‘rganish kerak. Bularga kichik qismlarga ega bo‘lgan konstruktor, ijod uchun tovarlar va musiqiy o‘yinchoqlar yordam beradi. Stol o‘yinlari ham bu yoshdago bolajonlar uchun juda qiziqarli bo‘ladi. Tajribalar uchun to‘plamlar, plastilin yoki loydan yasash materiallarini sovg‘a qilish mumkin.

Shuningdek, bola syujetli-rolli o‘yinlarga qiziqishni davom etadi. Ammo ular yanada murakkablashadi: agar ilgari kichkintoy uchun plastik mevalar yetarli bo‘lgan bo‘lsa, bu yoshda ularni plastik pichoq bilan kesish yoki o‘yinchoq elementlaridan burger yig‘ishni istaydi. Unga odatdagi shifokor to‘plami o‘rniga tish shifokori to‘plamini sotib olish mumkin.

• Proyektorli chizish uchun stol
• O‘zgaruvchan mashina amfibiya
• Raqsga tushadigan Cheburashka
• Elektron Pop-It
• «Garri Potter» o‘yin to‘plami

Qanday taqdim etish mumkin. Bu yoshda bolalar hali ham mo‘jizalarga so‘zsiz ishonadilar. Shuning uchun, an'anaviy usullardan tashqari, masalan, sovg‘alar yonida Qorbobo izlarini qoldirish yoki bolajonga haqiqiy jo‘natma yuborish mumkin.

7 yoshdan 10 yoshgacha

Bu yoshdagi bolalar trenddagi va maktabga olib borish mumkin bo‘lgan o‘yinchoqlarni yaxshi ko‘radilar. Qiziqishlar doirasi keng: noodatiy kanselyariya buyumlaridan tortib virtual haqiqat ko‘zoynaklarigacha. Ular hali ham konstruktor, pop-it va kichik yumshoq o‘yinchoqlarni yoqtiradilar. Sport anjomlari — masalan, konki, turnik, shved devor, qor blasteri ajoyib sovg‘a bo‘ladi.

Mikroskop, tajriba uchun va josuslik to‘plamlari kabi tadqiqot o‘yinchoqlari ham foydali bo‘ladi. Shu bilan bir qatorda — kigurumi, 3D-ruchka, simsiz kolonka. Ijod uchun to‘plamlari ham qiziqarli g‘oya bo‘ladi: bu yoshda mayda qo‘l motorikasi yanada murakkab ishlar yaratish uchun yetarlicha shakllangan.

• Qo‘lda boshqariladigan vertolyot
• «Jenga» stol o‘yini
• Termomozaika
• Chizishni o‘rgatuvchi robot

Qanday taqdim etish mumkin. Sovg‘ani taqdim etish qo‘shimcha yoqimli taassurot bo‘lishi mumkin. Kvest tashkil qilish yoki sovg‘aga qalin ipni bog‘lab, bolajondan xazina topishini so‘rash mumkin.

O‘smirlar uchun Yangi yil sovg‘alari

Sovg‘a tanlayotganda bolaning qiziqishlariga asoslanish kerak. Ba'zilar soatlab raqamlar bo‘yicha rasmni  bo‘yashni yoqtiradi, boshqalari esa skeytbordni orzu qiladi. O‘yin ishqibozlari uchun — pristavka, geympad, o‘yin qahramonlari bilan merch. Sportchilar uchun —  samokat, snoubord, eshik uchun basketbol savati yoki sport anjomlari ajoyib sovg‘a bo‘ladi.

Naushniklar, quvvat banki, termakrujka, musiqiy kolonka yoki rangini o‘zgartiradigan aqlli chiroq universal variantlardan biri. Umuman olganda, har doim foydali bo‘ladigan sovg‘alar tanlasangiz adashmaysiz.

• Simsiz naushniklar
• Halqali chiroq
• Kigurumi
• Pennibord
• Aqlli kolonka

Qanday taqdim etish mumkin. O‘smirlar katta bo‘lib ko‘rinishni istaydilar, lekin baribir qiziqarli narsalarni yaxshi ko‘radilar. Sovg‘ani yangi yil paypog‘iga yashirish, kvest uyishtirish yoki bayram qutisida nima borligini taxmin qilish imkonini beradigan bir qator vazifalarni o‘ylab topish mumkin. 

Qanday sovg‘a tanlamang, ularni tabrik va iliq tilaklar bilan taqdim eting. Uni archa yoki yostiq ostiga yashirish yoki shunchaki oilaviy kechki ovqat paytida taqdim etish mumkin. Asosiysi, ushbu daqiqalar quvonch baxsh etishidir!