Ushbu kitob butun dunyo bo‘ylab rekord darajada sotilgan va shaxsiy rivojlanishga oid eng yetakchi asar hisoblanadi. U dunyo bo‘ylab millionlab insonlar, jumladan, Bill Klinton, Larri King va Stiv Forbsning hayotiga kuchli ta’sir ko‘rsatgan. Dunyodagi eng yirik korporatsiyalarning yarmi — "Fortune 500" ro‘yxatiga kiruvchi kompaniyalar — o‘z xodimlarini "Yetti odat" (The Seven Habits) kitobida bayon etilgan samaradorlik falsafasi bilan tanishtirishni ustuvor vazifa deb bilganlar. Xo‘sh, bu kitob nima haqida? Birinchidan, u hayotiy maqsadlar va ustuvor vazifalarni belgilashda tizimli yondashuvni taklif etadi. Garchi bu maqsadlar har bir insonda turlicha bo‘lsa-da, kitob o‘quvchilarga o‘zligini anglash va maqsadlarini aniq ifodalashda yordam beradi. Ikkinchidan, u mazkur maqsadlarga qanday erishish mumkinligini ko‘rsatib beradi.

