Yigit yoki qiz bilan ajrashishni boshdan kechirishning 1000 ta usuli

Birinchi muhabbat - betakror tajriba. U haqidagi xotiralar inson qalbida umr bo‘yi saqlanib qoladi. Ammo ko‘pincha birinchi muhabbatdan so‘ng birinchi ajralish keladi va uni boshdan kechirish juda og‘ir bo‘ladi.

Yoshlikda ajralish haqiqiy fojia sifatida qabul qilinadi. O‘smirni g‘am-anduh va umidsizlik qamrab olgan, yaqinlarining munosabatlar hali ko‘p bo‘lishi haqidagi so‘zlari esa vaziyatni yengillashtirmaydi.

Ushbu kitob mualliflari o‘smirga ro‘y berayotgan voqealarning jiddiyligini kamaytirmasdan, ehtiyotkorlik bilan yordam berishadi. Chiroyli rasmlar, anketa va testlar, fikrlash uchun savollar, kitoblar va filmlar ro‘yxati - bularning barchasi tushkunlikdan chiqishga va tugagan munosabatlardan ijobiy tajriba olishga yordam beradi.

Ushbu kitob kimlar uchun mo‘ljallangan:

Hozirda ajralishni boshdan kechirayotgan o‘smirlar uchun.

Farzandiga hayotidagi ilk baxtsiz muhabbatni yengib o‘tishda yordam bermoqchi bo‘lgan ota-onalar uchun.

Kitobning o‘ziga xos xususiyatlari:

Chalg‘ish uchun mashg‘ulotlar - sport mashg‘ulotlaridan tortib hunarmandchilikgacha bo‘lgan ko‘plab g‘oyalar.

"Sevgi hikoyang qancha davom etadi?" testi.

Kitoblar, filmlar, seriallar, qo‘shiqlar ro‘yxati.

Muallifdan:

Muhabbat azoblari munosabatlar tugaganda bizni qiynaydi. Bu o‘tkir va nihoyatda kuchli og‘riq, xuddi achishayotgan yara kabi. Seni allaqachon sevmay qo‘yishgan bo‘lsa-yu, sen uni sevishda davom etsang, bu juda og‘ir sinovdir. Sen uzoq yillar (ehtimol, butun umr!) birga bo‘lishingizni orzu qilarding, endi esa u sen bilan hatto kinoga ham borishni xohlamayapti... Bunday vaziyatdan keyin hayotdan yana zavqlanish qiyin tuyulishi mumkin, ammo aslida unday emas.