Vaqtsiz: Zumrad kitob – Kerstin Gir

Yuragingiz sinib, tuyg‘ularingiz oyoqosti qilinganda nima qilasiz? Eng yaqin dugonangiz bilan soatlab telefonlashasizmi? Yoki shokolad yeb, yotoqda yotgancha xo‘ngrab yig‘laysizmi? Afsuski, Gvendolinning bunga mutlaqo vaqti yo‘q. Buning sababi shundaki, u o‘n yetti yoshida kutilmaganda o‘zida vaqt bo‘ylab sayohat qilish geni borligini bilib qoladi. Boshi aylanib ketadi: xronograf, Qon halqasi, O‘n ikki siri, shuningdek, turli bazmlar, kechalar, to‘qnashuvlar va o‘tmishning qorong‘u labirintlari bo‘ylab sayohatlar... Endi esa kimdir uning ortidan ovga chiqqan, shu bois eng muhim narsa — omon qolishdir!