Sinox-soch va soqol o'stirish uchun losyon, erkaklar va ayollar uchun soch tiklovchi, 60 ml

• Qadoqda 60ml

Ko‘rsatmalar

Erkaklar va ayollarda androgenetik alopesiyaga (soch to‘kilishiga) qarshi.

Chiqarilish shakli va tarkibi

Chiqarilish shakli

«SINOX-5», «SINOX-10» va «SINOX-15» tashqi qo‘llash uchun sprey ko‘rinishida, 60 ml hajmdagi plastik flakonlarda ishlab chiqariladi. Flakonlar purkagichli dozator va qopqoq bilan jihozlangan. Flakon va purkagich qo‘llash bo‘yicha yo‘riqnoma bilan birga karton qutiga joylanadi.

Tarkibi

Qulmoq (xmel), lopux (burdok), qichitqi o‘t, romashka, propilenglikol, glitserin, etil spirti, minoksidil, tozalangan suv.

Tavsifi

Tiniq yoki och sariq rangli suyuqlik.

Farmakologik ta’siri

«SINOX» losoni androgenetik alopesiyaga chalingan odamlarda soch o‘sishini rag‘batlantiradi. Loson kuchli tomir kengaytiruvchi vosita bo‘lib, bosh terisidagi modda almashinuvini faollashtiradi va soch follikulalarining oziqlanishini yaxshilaydi.

«SINOX» losoni nafaqat soch to‘kilishini kamaytirishga, balki yangi va sog‘lom sochlarning o‘sishini tiklashga yordam beradi. Shuningdek, soqol o‘sishini rag‘batlantirish uchun ham qo‘llanilishi mumkin.

Qo‘llash usuli va dozalash tartibi

Loson faqat tashqi qo‘llash uchun mo‘ljallangan.

- Muammoli joylarga kuniga 2 marta qo‘llanadi.

- Quruq va toza bosh terisi yoki iyak (soqol) sohasiga purkagich yordamida 6–7 marta bosib sepiladi.

- Doza zararlangan maydon kattaligiga bog‘liq emas.

- Eritma ko‘zga tushishidan saqlaning.

- Losonni barmoqlar uchi bilan yengil massaj harakatlari orqali bosh terisi va iyakka surting.

- Qo‘llagandan keyin boshni 3–4 soat davomida, iyakni esa taxminan 1 soat davomida yuvmaslik kerak.

Soch to‘kilishining kamayishi va yangi soch o‘sishining dastlabki belgilari odatda loson kuniga 2 marta qo‘llanganda 2–4 oy ichida paydo bo‘lishi mumkin.

Natijani saqlab qolish uchun davolashni to‘xtatmaslik kerak, aks holda soch to‘kilishi yana boshlanishi mumkin.

Dozani oshirish yoki losonni tez-tez qo‘llash natijani yaxshilamaydi.

Agar 16 hafta davomida qo‘llangandan keyin soch o‘sishida yaxshilanish kuzatilmasa, preparatdan foydalanishni to‘xtatish tavsiya etiladi.

Davolash boshida soch to‘kilishi vaqtinchalik kuchayishi mumkin. Bu eski sochlarning dam olish (telogen) fazasidan o‘sish (anagen) fazasiga o‘tishi bilan bog‘liq. Odatda bu holat 2 hafta davom etadi va keyingi 2 hafta ichida kamayadi.

Agar kuchli soch to‘kilishi davom etsa, preparatdan foydalanishni to‘xtating va shifokor bilan maslahatlashing.

Nojo‘ya ta’sirlari

Dozani oshirib yuborilganda tananing boshqa qismlarida, jumladan yuzda ham ortiqcha tuk va soch o‘sishi kuzatilishi mumkin. Doza kamaytirilganda yoki loson bekor qilinganda, ortiqcha tuklar asta-sekin yo‘qoladi.

Ayrim hollarda:

- bosh terisining qizarishi;

- qichishish;

- terining qipiqlanishi kuzatilishi mumkin.

Davolashning dastlabki bosqichida soch to‘kilishi kuchayishi mumkin. Bu «SINOX» losonining ta’siridan dalolat beradi va odatda 2 hafta ichida o‘tib ketadi.

Loson follikulalardagi metabolizmni tezlashtiradi, telogen fazani qisqartirib, soch o‘sishining anagen fazasini uzaytiradi.

Qo‘llash mumkin bo‘lmagan holatlar

- Loson tarkibiy qismlariga yuqori sezuvchanlik;

- 18 yoshgacha bo‘lgan shaxslar;

- Teri butunligining buzilishi;

- Bosh terisi dermatozlari;

- Homiladorlik;

- Emizish davri.

Saqlash sharoiti va yaroqlilik muddati

Yorug‘likdan himoyalangan joyda, 25°C dan yuqori bo‘lmagan haroratda saqlansin.

Bolalar ololmaydigan joyda saqlang.

Yaroqlilik muddati: ishlab chiqarilgan sanadan boshlab 2 yil.

Yaroqlilik muddati tugagandan keyin ishlatmang.