FOYDALANISH VA PARVARISH QILISH BO‘YICHA YO‘RIQNOMA

Loreen kompression paypoqlari qon tomir kasalliklari va qon aylanishi buzilishlarining oldini olish hamda davolashda muhim o‘rin tutadi. Mahsulotimiz bemorlarni pastki oyoq-qo‘llarga bosqichma-bosqich kompressiya ta’sirini qo‘llash orqali davolash uchun mo‘ljallangan. Bunga yuqori sifatli xomashyo va eng zamonaviy texnologik uskunalardan foydalanish orqali erishiladi.

Qo‘llash ko‘rsatmalari:

Varikoz venalar;

Varikoz venalar va homiladorlik davrida yuzaga keladigan shishlar;

Trombozlarning oldini olish;

Pastki oyoq-qo‘llar yuzaki venalarining tromboflebiti;

Surunkali venoz yetishmovchilik;

Posttrombotik sindrom;

Okklyuziv tromboz;

Limfedema;

Lipedema;

Angiodisplaziya;

Venalarda o‘tkazilgan jarrohlik amaliyotlaridan so‘ng, shuningdek skleroterapiyani qo‘llab-quvvatlash uchun;

Operatsiyadan keyingi va jarohatdan keyingi shishlar.

Qo‘llash mumkin bo‘lmagan holatlar:

Yurak yetishmovchiligi;

Septik flebit;

Ko‘k flegmaziya;

Oyoq-qo‘llar sezuvchanligining buzilishi;

Piotravmatik dermatit;

Matoga allergiya.

To‘g‘ri o‘lchamni qanday tanlash kerak:

Paypoqlardan maksimal foyda olish uchun oyoqni to‘g‘ri o‘lchash zarur. O‘lchovni ertalab amalga oshirish tavsiya etiladi, chunki bu vaqtda oyoqlarda shish kamroq bo‘ladi.

O‘lchamni tanlash:

To‘g‘ri o‘lchamni tanlash uchun ikki xil o‘lchov yetarli. Avval ruletka yordamida to‘piq aylanasini o‘lchang, so‘ng xuddi shu usulda oyoqning yuqori qismini o‘lchang (golf paypoqlari uchun – CD, songacha bo‘lgan paypoqlar va kolgotkalar uchun – CG). Shundan so‘ng jadvalga qarab o‘zingizga mos o‘lchamni tanlang.

Uzunlikni tanlash:

Paypoq o‘lchami aniqlangandan so‘ng, paypoq uzunligini aniqlash uchun tovondan paypoqning yuqori qismigacha bo‘lgan masofani, paypoq turiga mos ravishda o‘lchang. Golf paypoqlari uchun tovondan tizzadan biroz pastroqqacha bo‘lgan masofani, songacha bo‘lgan paypoqlar va kolgotkalar uchun esa tovondan chovdan 5 sm pastda joylashgan nuqtagacha bo‘lgan masofani o‘lchang.

Foydalanish bo‘yicha yo‘riqnoma:

• Paypoqning o‘lchami va uzunligini tanlashda alohida e’tibor bering;

• Paypoqni ertalab, uyg‘ongan zahotingiz kiying;

• Kiyishda paypoq oyoqqa bir tekis taqsimlanganligiga ishonch hosil qiling hamda barcha burmalarni tekislang;

• Agar kompression paypoqni kiyish vaqtida sog‘lig‘ingiz bilan bog‘liq muammolar yuzaga kelsa, darhol paypoqni yeching va shifokorga murojaat qiling;

• Kiyish vaqtida paypoqni shikastlamaslik uchun lateks qo‘lqoplardan foydalaning. Taqinchoqlar va uzun tirnoqlar paypoqni shikastlashi mumkin;

• Paypoqni qo‘lda yoki kir yuvish mashinasida (nozik yuvish rejimida) kamida har ikki kunda bir marta yuving;

• Tabiiy usulda yoki quritish mashinasida nozik rejimda quriting;

• To‘g‘ri foydalanish va tegishli parvarish sharti bilan kompaniyamiz mahsulotning xizmat muddatini 6 oy deb kafolatlaydi.

Kompression paypoqni kiyish:

Eslatma: Paypoqni kiyishdan oldin, avval to‘plamga kiruvchi yordamchi mato moslamasini oyoqqa kiying, so‘ng kompression paypoqni kiying va undan keyin yordamchi moslamani yeching.

Avval paypoqning pastki qismini oyoqqa kiying va paypoqning tovoni to‘g‘ri joylashganligiga ishonch hosil qiling.

Paypoqni ehtiyotkorlik bilan oyoq bo‘ylab yuqoriga torting.

Paypoqni (golf paypoqlari – tizzadan biroz pastgacha, son paypoqlari – chovdan 5 sm pastgacha, kolgotkalar esa – belgacha) torting va burmalar yo‘qolguncha oyoq bo‘ylab tekislab chiqing.