Baqirmaydigan bolalar, Baqirmaydigan onalar, Men bolamni urmayman, Xadicha Kubro Tongar

XADICHA KUBRO TONGAR

BAQIRMAYDIGAN BOLALAR

Sokin va sezgir farzandlar tarbiyalash yo'riqnomasi

Assalomu alaykum onajonim,

Bu men, farzandingizman.

"Kim ekanligingni shundoq ham bilaman" demang, chunki biz hali hanuz

yaqindan tanishmiz, deb o'ylamayman. Menimcha, meni tanish uchun

yetarlicha harakat qilmadingiz?

Agar bir-birimizni taniganimizda, yig'lagan, o'jarlik qilgan, qo'rqib jahl qilgan

paytimda sizga nimanidir tushuntirishga urinayotganimni sezgan bo'lardingiz.

Siz mening harakatlarimga emas, balki ularning asl sababiga e'tibor qaratgan

bo'lardingiz. Shunda "u meni xafa qilish uchun shunday qilyapti", "faqatgina

meni g'ashimga tegmoqchi bo'lyapti”, deb o'ylamagan bo'lardingiz. Mening

har bir hatti-harakatimning ortida ma'lum bir ehtiyoj borligini his qilardingiz.

Mana bugun siz bilan tanishish istagida ushbu kitobni qo'llaringizga

tutqazyapman...

Meni taniganingizdan so'ng sevgingiz ortishini his qilyapman. Kelajak sari

qadam qo'yganimda qo'llab-quvvatlashingizni, qo'limdan tutishingizni,

hayotim yo'llarini siz bilan birgalikda bosib o'tishni istayapman.

Sizni bor fazilatlaringiz, kamchiliklaringiz bilan juda-juda yaxshi ko'raman.