Avtomobil invertori 12V/24V dan 220V ga, 1500 Vt — 4 ta USB port, metall korpus

Avtomobil invertori — mashinada oddiy 220 V rozetka paydo bo'ladi

Yo'lda noutbukni quvvatlash, dachada drel ishlatish yoki elektr o'chganda telefon va yorug'lik topish kerak bo'ladi. Invertor mashina akkumulyatorining 12 V (yoki yuk mashinasining 24 V) tokini 220 V ga aylantiradi. Yonida 4 ta USB port bor — mayda texnikani rozetkani band qilmasdan quvvatlaysiz.

Texnik xususiyatlari

• Kirish kuchlanishi: 12 V yoki 24 V (bort tarmog'i)
• Chiqish kuchlanishi: 220 V
• Maksimal quvvat: 1500 Vt
• USB portlar: 4 ta, tez quvvatlash bilan
• Korpus: metall
• Himoya: ortiqcha tokdan himoya
• Kabel uzunligi: taxminan 75 sm
• Qo'llanilishi: avtomobil, yuk mashinasi, kema, dala/dacha, mobil ofis, favqulodda holat

Qanday ulanadi

1. Avval invertorning o'chirilganiga ishonch hosil qiling.
2. Katta yuk uchun (isitgich, drel, muzlatgich, noutbuk zaryadlagichidan kuchliroq har qanday narsa) invertorni to'g'ridan-to'g'ri akkumulyator klemmalariga ulang: qizil — plyus, qora — minus. Faqat shunda to'liq quvvatdan foydalana olasiz.
3. Prikurivetel razyomi orqali ulash faqat kichik yuk uchun: razyom o'zi 10–15 A ga mo'ljallangan va undan yuqorisiga predoxranitel yonib ketadi.
4. Invertorni tekis, quruq va shamollab turadigan joyga qo'ying. Ustiga narsa qo'ymang.
5. Invertorni yoqing, so'ng qurilmani ulang. Uzayotganda tartib teskari: avval qurilmani uzing, keyin invertorni o'chiring.
6. Uzoq ishlatganda dvigatel ishlab tursin — aks holda akkumulyator bo'shaydi va mashina yurmay qoladi.

Parvarish va xavfsizlik

• Ventilyatsiya teshiklarini yopmang; ular orqali issiqlik chiqadi.
• Namlik, yomg'ir va suv sachraydigan joydan asrang.
• Klemma va kabellarni vaqti-vaqti bilan tekshiring; qizigan yoki qoraygan kontakt bo'lsa ishlatmang.
• Yonuvchi suyuqlik va gaz yaqinida ishlatmang.
• Changni quruq cho'tka bilan tozalang.

Buyurtma berishdan oldin bilib qo'ying

• 1500 Vt — invertorning maksimal ko'rsatkichi, prikurivetel razyomining emas. Sigaret yoqgich razyomi orqali amalda 150–180 Vt atrofida yuk beriladi. Kuchliroq qurilma uchun invertorni bevosita akkumulyatorga ulash shart.
• Har bir qurilmaning quvvatini (Vt) oldindan tekshiring. Dvigatelli va qizdiruvchi qurilmalar (nasos, drel, choynak) yoqilganda quvvatni bir necha barobar ko'proq talab qiladi.
• Uzoq yuqori yuk akkumulyatorni bo'shatadi. Dvigatelni yurgizib qo'ying.
• Sezgir texnika (tibbiy asbob, ba'zi audio va laboratoriya qurilmalari) uchun sof sinusli invertor talab qilinishi mumkin — bunday talab bo'lsa, buyurtma berishdan oldin sotuvchi chatiga yozing.
• Kartochkada ikki variant bor — buyurtma berishdan oldin rasmini tekshiring.

Yetkazib berishda

• Topshirish punktida qutini oching: korpusda ezilish bormi, ventilyator panjarasi butunmi, kabel va klemmalar joyidami.
• Yoqib ko'ring: indikator yonsin va ventilyator ishlasin.
• Kamchilik bo'lsa mahsulotni olmasdan o'sha yerda ayting yoki 24 soat ichida Uzum ilovasidagi sotuvchi chatiga yozing.