Fitnes, krossfit, shahar va kesib o‘tuvchi hududlarda yugurish: har xil sport turlari uchun krossovkalarni qanday tanlash mumkin

Poyabzal tanlashda nimalarga e’tibor berish kerakligini va qulayligini mashg‘ulotdan oldin qanday aniqlash mumkinligini bilib olamiz.

Umumiy tamoyillar

Krossovka tanlashda qulayligingiz har doim asosiy parametr bo‘ladi. Poyabzal urmasligi, oyoqda zich yoki, aksincha, bo‘sh turmasligi kerak. Boshqa hammasi qanday sport turi bilan shug‘ullanishni xohlayotganingizga va bu qanday yuklamani nazarda tutishiga bog‘liq bo‘ladi.

Krossovkalarning amortizatsiyasi oyoqlarning yuzaga takroriy urilishidan tushadigan yuklamani kamaytiradi, tishlashish sirpanib ketmaslikka va yerdan samaraliroq itarilishga yordam beradi, oyoq kaftini yaxshi tutib turish va mahkamlash esa suyak chiqishlarni oldini oladi.

Amortizatsiya ko‘pikli material va drop — tovon va kaftning old qismi o‘rtasidagi balandlik farqining yumshoqligi va elastikligidan iborat. Bugungi kunda yangi boshlagan sportchilar uchun eng maqbul ko‘rsatkich 8 mm dan boshlanadi. Tishlashish uchun asosan protektor — taglikdagi bo‘rtma naqsh javob beradi. Torsion qattiqlik oyoq kaftini tutib turish va mahkamlashni ta'minlaydi: krossovkalar oyoq kaftiga standart holatdan osongina “chiqishiga” imkon bermasligi kerak.

Shu bilan birga, oyoq kaftining aylanasi shartli ravishda “to‘g‘ri” bo‘lishi va oyoqni, ayniqsa, bo‘g‘imlar sohasida siqmasligi kerak.

Qanday qilib yugurishni boshlab va bir haftadan keyin tashlab ketmaslik kerak

Ma'lumot olish

Poyabzal parametrlari

Sport turi va krossovkaning umumiy xususiyatlarini aniqlaganingizdan so‘ng, detallarga e'tibor berish vaqti keldi.

O‘lchami va shakli

Poyabzal tavsifida ko‘pincha turli o‘lcham jadvallaridan foydalaniladi, shu bois tanlovda yanglishishingiz mumkin. Bugungi kunda aksariyat sotuvchilar o‘lchovni qanday tizim bo‘yicha aniqlashlarini ko‘rsatadilar yoki hatto tegishli jadvallarni nashr etishadi.

Odatda asosiy o‘lchash elementi oyoq kaftining uzunligi hisoblanadi. Buni eng uzun barmoq uchidan tovon uchigacha bo‘lgan masofa bo‘yicha aniqlash mumkin. Buning uchun shunchaki oyoqqa lineyka qo‘yish yoki qog‘ozda oyoq panjasi konturlarini chizib, tasvirdan o‘lchab olishingiz mumkin.

Ba'zida AQSH tizimidan foydalanishda oyoq kaftining yo‘g‘onligi kabi parametr ham keltiriladi. Bu tasnif bo‘yicha F harfi bilan oddiy oyoqlar o‘lchami belgilanadi. G modellari oyoq kafti keng, H+ — oyoq kafti yo‘g‘on bo‘lgan sportchilar uchun mos keladi, oyog‘i ham keng, ham yo‘g‘on bo‘lgan sportchilar uchun esa H modeli mavjud.

Shu bilan birga, kundalik poyabzalning o‘lchami sport poyabzalining o‘lchamidan kichikroq bo‘lishi mumkinligini yodda tutish kerak. Ko‘pincha krossovka, keda va boshqa poyabzallarni shunchaki his qilishimizga qarab sotib olamiz va oyog‘imizni siqayotganligini hatto sezmaymiz ham. Yugurish paytida oyoq faolroq bo‘ladi va oyoq kafti zo‘riqqanida shishib, odatdagi o‘lcham tezda noqulay bo‘lib qolishi mumkin.

Poyabzalni kunning ikkinchi yarmida yoki mashg‘ulotdan keyin kiyib ko‘rib, zo‘riqqan oyoqlaringizga qanchalik qulay bo‘lishini bilgan ma'qul.

Paypoqlar haqida ham unutmang. Sovuq havoda sport bilan shug‘ullansangiz, issiq paypoqlar qalinligi tufayli odatiy o‘lcham tor kelishi mumkin.

Krossovka oyoq kafti bo‘yicha to‘g‘ri kelsa ham, qayrilayotganda o‘zini qanday tutishini tekshirish kerak. Kiyib ko‘rayotganingizda oyoq chiqishiga olib kelishi mumkin bo‘lgan harakatni ataylab qilib ko‘ring. Agar krossovka oyoq kaftini tutib tursa — bu yaxshi belgi. Oyoq noto‘g‘ri tomonga uzoqqa ketib qolsa, boshqa variantlarni qidirgan ma'qul.

Nihoyat, oyog‘ingiz krossovkada qanday “turishiga” e'tibor bering. Agar oyoq kaftining o‘rtasi tik bo‘lgani uchun patakka tegmasa, yuklama tekis taqsimlanmaydi, natijada jarohatlarga olib kelishi mumkin. Va aksincha, oyoq krossovkada haddan tashqari bo‘shashgan holda “yotsa”, bel va tizzalarga katta yuk tushishi mumkin. Bunday vaziyatda, amortizatsiya kamroq bo‘lsa ham, oyoq kaftini mustahkam tutib turadigan modellarga e'tibor berish kerak.

Materiallar

Bu yerda hech qanday yangilik yo‘q: krossovkalar uchun eng keng tarqalgan material odatda eng optimal hisoblanadi. Mato poyabzal oyoqlarga “nafas olishga” imkon beradi, ortiqcha ter to‘planishiga yo‘l qo‘ymaydi. Bugungi kunda krossovka ishlab chiqarishda ko‘pincha neylon, polyesterdan iborat to‘rli materiallardan foydalaniladi. Agar “to‘r” maksimal havo almashinuvini ta'minlab, yuqori qismida joylashgan bo‘lsa, eng yaxshi variant hisoblanadi. Ammo bunday krossovkalarni yomon ob-havoda xaykingga kiyish tavsiya etilmaydi.

Sovuq mavsumda va tog‘ sayohatlari uchun teri yoki zamonaviy teri o‘rnini bosuvchi krossovkalar juda mos keladi. Bular “nafas oladigan” mato modellariga qaraganda issiqroq va qalinroq bo‘lib, oyoqlarni yaxshiroq himoya qiladi.

Bugungi kunda krossovkaning optimal og‘irligi fitnes uchun 200-300 gramm, yugurish uchun taxminan 400 gramm hisoblanadi. Og‘irroq poyabzal oyoqlarni ortiqcha zo‘riqtirib, amortizatsiya va oyoq kaftini tutib turish kabi afzalliklarini yo‘qqa chiqaradi. Biroq, ba'zi variantlarning o‘z afzalliklari bor, ayniqsa, murakkab sharoitlarda, masalan, kesib o‘tuvchi hududda yoki katta kuch yuki bilan shug‘ullanish uchun mo‘ljallangan modellar haqida gapiradigan bo‘lsak.

Har xil sport turlari uchun eng yaxshi krossovkalar

Har xil sport turlari uchun krossovkalarning eng muhim parametrlarini ko‘rib chiqamiz. Shuningdek, poyabzalning narx va sifat nisbati, asosiy parametrlari va boshqa xususiyatlariga asoslanib, Uzum'dagi eng yaxshi modellar namunalarini keltiramiz.

Yugirish uchun

Yuqori amortizatsiya, oyoq kaftini yaxshi tutib turish va yeyilishga chidamlilik ko‘rsatkichlari bo‘lgan modellarga e'tibor qaratish lozim. Bular, odatda, yuza bilan yaxshi tishlashish va tekis bo‘lmagan taglik bilan ham ajralib turadi. Bunday krossovkalar tekis asfalt yoki qattiq yerlarda yugurish uchun mos keladi.

Shuni ta'kidlash kerakki, ixtisoslashtirilgan treklar va yugurish yo‘laklarida odatda yuqori amortizatsiya ko‘zda tutilgan, shuning uchun bu yerda krossovkalarga biroz kamroq talablar qo‘yiladi. Bunday sharoitda shug‘ullanish uchun fitnes modellari mos keladi: ular tekis taglikka ham ega bo‘lishi mumkin.

Fitnes uchun

Bu yerda oddiy prinsip amal qiladi: qanchalik minimalistik bo‘lsa, shunchalik yaxshi. Bunday krossovkalar odatda maxsus amortizatsiyaga ega emas va maksimal darajada yalang oyoq bilan shug‘ullanish hissini beradi. Ammo bu bilan murakkabroq sharoitda shug‘ullanish cheklanadi: chunki poyabzal oyoqni mumkin bo‘lgan urilish yoki chiqishlardan deyarli himoya qilmaydi.

Shunga qaramay, fitnes uchun bazaviy krossovkalar ko‘plab mashg‘ulotlar bilan zal yoki shahar ko‘chasida shug‘ullanish uchun mos keladi.

Kesib o‘tuvchi hududda shug‘ullanish uchun

Agar xayking yoki treking bilan shug‘ullanmoqchi bo‘lsangiz yoki shunchaki safarga chiqmoqchi bo‘lsangiz, tagligi og‘ir va yuqori himoyaga ega krossovkalarga e'tibor berishingiz kerak. Bu oyoqlarni ortiqcha zo‘riqtirmasdan va shikastlanishdan saqlab, murakkab relyef bo‘ylab oson harakatlanish imkonini beradi.

Krossfit uchun

Bu mashg‘ulotlar tizimi, ko‘pincha, har xil sport turlaridan olingan intensiv va turli yo‘nalishdagi mashqlardan iborat. Shuning uchun bunday mashg‘ulotlarga iloji boricha universal krossovkalarga e'tibor berish kerak. Bunday poyabzalning hatto maxsus nomi ham bor — treynerlar yoki kross-treynerlar.

Odatda krossfit poyabzali tovonning biroz ko‘tarilishi (4-6 mm) bilan ajralib turadi, bu yugurish va sakrash uchun qulaydir.

Agar mashg‘ulotlar katta og‘irlil bilan shug‘ullanishni nazarda tutsa, shtangetkalar deb ataladigan poyabzalga ham e'tibor berish mumkin. Ular mustahkam tayanch bilan ajralib turadi, shu sababli mashg‘ulotlari og‘irlik ko‘tarish va kuch mashqlarining boshqa turlari bilan bog‘liq bo‘lgan og‘ir atletikachilar orasida ommalashgan.

Boshqa sport turlari

Albatta, krossovkalar uchun sport turlari ro‘yxati bizning tanlovimiz bilan cheklanmaydi. Biroq, masalan, futbol yoki basketbol uchun poyabzal tanlashda o‘xshash tamoyillar qo‘llaniladi. Oyoqlaringizga qanday yuklama tushishini va qanday qilib himoya qilishni tushunishingiz muhim.

Masalan, futbol uchun, aniq sabablarga ko‘ra, barmoqlarni shikastlamaslik va noto‘g‘ri zarba berganda, suyak chiqib ketmasligi uchun oyoq kaftini mustahkam tutib turadigan va uchi qattiq bo‘lgan modellarga e'tibor berish kerak.

Shaxsiy qulayligingiz haqida unutmang, yuqorida tavsiflangan toifalarga o‘xshash yuklama turlariga asoslaning va krossovka sotib olayotganda hech qanday muammoga duch kelmaysiz.

Tarkib