Massajorlar: uyda foydalanish uchun mos modelni qanday tanlash mumkin

Massaj — o'zingizga g'amxo'rlik qilishning eng oson va samarali usullaridan biri. Ammo massaj salonlariga muntazam ravishda tashrif buyurishning har doim ham imkoniyati bo'lmaydi. Massajorlar salonga borishni o'rnini bosishi mumkin. Sharhda biz turli xil massajorlarni taqdim etamiz, ularning ishlash prinsipini tushunamiz va ehtiyojlaringiz va maqsadlaringizga mos modelni tanlashda yordam beramiz

Muntazam massajning afzalliklari

Massaj — bu organizmni umumiy qo'llab-quvvatlash va uning ichki resurslarini oshirishning eng qadimgi usuli. To'g'ri bajarilgan muolaja charchoqni ketkazadi, bo'shashtiradi va shu bilan birga insonning energiya muvozanatini tiklaydi.

Sog'lomlashtirish xususiyatlariga ega bo'lgan ko'plab massaj usullari ishlab chiqilgan. Muntazam muolajalar:

• toksinlar va shlaklarni chiqaradi;
• mushaklardagi zo'riqishdan xalos etadi;
• qon aylanishini yaxshilaydi;
• stressni kamaytiradi;
• immunitetni mustahkamlaydi;
• organizmda almashinuv jarayonlarini tezlashtiradi;
• limfa oqimi tezligini oshiradi;
• to'qimalardagi yallig'lanishni bartaraf etadi.

Massajorlar turlari

Massajorlarning eng arzon turlari — qo'l massajorlaridir. Ular mexanik va elektr bo'ladi.

Mexanik modellar arzonroq va ulardan foydalanish oson. Ular bosim yoki yurgizish orqali teriga ta'sir qiladi. Ular elektr tarmog'iga ulanishni talab qilmagani uchun sayohatga olib borish yoki mashinada uzoq haydash paytida ishlatish qulay.

Mexanik qo'l massajorlari dizayni bilan ajralib turadi. Ulardan eng mashhurlari:

•     Rolikli — bu uzun tutqichli va maxsus nasadkali modellar. Ular turli xil tishlarga ega bo'lishi mumkin: halqa shaklida, yumaloq yoki silindrsimon. Uzun tutqich tufayli bunday massajor tanadagi yetishish qiyin bo'lgan sohalarni massaj qilish uchun qulaydir. Ular selyulitga qarshi yaxshi yordam beradi deb hisoblanadi
•     Vibromassajli — korpusda bir yoki bir nechta massaj nasadkalari bo'lgan qurilmalar. Nasadkalarni o'zgartirish mumkin bo'lgan modellar mavjud. Bu tananing ma'lum bir sohasiga ta'sir qilish kuchini osongina sozlash imkonini beradi.
•     Yoqali — yumshoq, iliq mato bilan qoplangan sharsimon qurilmalar. Ular mushaklarni isitishga yordam beradigan vibratsiya orqali ishlaydi. Bo'yin, yelka, kurak sohasi va qo'llarni massaj qilish uchun juda yaxshi mos keladi.
•     Sharikli — pol usti mexanizmi ma'lum bir sohani chuqur massaj qilishga imkon beradi. Bu belingizdagi taranglik va spazmlardan xalos bo'lishga yordam beradi. Ko'pincha gorizontal holatda asta-sekin tebranish orqali ishlatiladi.
•     Lentali — rolikli keng qurilmalar. Ular kerakli joyni yaxshilab ezish uchun massajning yo'nalishi va kuchini sozlashda yordam beradigan qulay tutqichlarga ega. Ushbu massajorlar mushaklarning kuchlanishini yengillashtiradi va to'qimalarda qon aylanishini yaxshilaydi.
•     Aplikatorlar — har xil uzunlikdagi gilamchalar, ularga ignalar yoki tikanlar biriktirilgan bo'ladi. Ular tanaga lentalar yoki kamarlar bilan biriktiriladi. Og'riqni kamaytirish uchun ilk muolajalarni ingichka mato orqali o'tkazish tavsiya etiladi.
•     Nakidkalar — matoga ma'lum bir chastotada o'rnatiladigan maxsus g'ildiraklardan iborat konstruksiyalar. Massaj effektiga belingizni gadjetga bosish orqali erishiladi. Harakatsiz hayot tarzini kechiruvchi odamlar uchun mo'ljallangan.

Qo'l massajorlarining afzalliklari:

• organizmning umumiy holatini tiklanishi;
• mushak to'qimalaridagi tarranglikdan xalos bo'lish;
• limfa va qon oqimining yaxshilanishi;
• massaj qilinayotgan sohada og'riq sindromining pasayishi;
• mobillik;
• hissiy holatning yaxshilanishi;
• hamyonbop narx.

Kamchiliklarga quyidagilarni kiritish mumkin:

• unchalik katta bo'lmagan ishlatilish sohasi;
• jismoniy kuch sarflash zarurati;
• cheklovlar mavjudligi.

Elektr modellari batareyalar yoki elektr quvvati orqali ishlaydi. Ta'sir turi bo'yicha ularni quyidagilarga bo'lish mumkin:

• Ultratovushli — to'lqin tebranishlari yordamida ishlaydi. Ular osteoxondroz, radikulit bilan og'rigan va selyulitdan xalos bo'lishni xohlaydigan odamlar uchun mos keladi. Ushbu qurilmalar yuz va tana massajida muvaffaqiyatli qo'llaniladi.
• Miostimulyatorlar — elektr impulslari yordamida mushaklarga ta'sir qiluvchi qurilmalar. Tanaga biriktirilgan elektrodlar mushaklarning qisqarishiga olib keladi. Bu ichki organlar va mushaklarning ishini tiklashga, mushaklarni mustahkamlashga va qomatni tuzatishga yordam beradi. Qurilmani to'g'ri va muntazam ravishda ishlatish og'riq va spazmlarni kamaytirishga, to'qimalarda qon aylanishini yaxshilashga va tanadagi shlaklardan xalos bo'lishga yordam beradi.
• Infraqizil nurlanishli vibromassajorlar — tanaga infraqizil nurlar bilan ta'sir qiladi. Ular haddan tashqari katta yuklanish, surunkali charchoq, mushak og'rig'i va jarohatlardan tiklanish uchun tavsiya etiladi. Ularning tanaga ta'siri iliq qo'llar bilan qo'l massajiga o'xshaydi. Infraqizil nurlar to'qimalarni isitadi, immunitet tizimini yaxshilaydi, terining hujayra darajasida tiklanishini tezlashtiradi va metabolizmni stimullaydi.

Elektr massajorlar bir qator afzalliklarga ega:

• stressdan xalos qiladi;
• kollagen ishlab chiqarilishini stimullaydi;
• shishishni bartaraf etadi;
• terini tarranglashtiradi va yangilaydi;
• uyquni muvozanatlashtiradi;
• vaznni kamaytiradi;
• selyulitning darajasini korreksiya qiladi;
• bo'g'imlardagi yalig'lanishni kamaytiradi.

Ammo ularning ham kamchiliklari bor:

• homiladorlik, varikoz tomirlari, yurak muammolari, zararli o'smalar va boshqalar kabi cheklovlar mavjud.
• baland narx.

Qo'l massajorlari vaqt va pulni tejashga yordam beradi. Ularning asosiy xususiyati shundaki, ular professional massaj mutaxassisining harakatlariga taqlid qilishi mumkin (silash, ishqalash va chimchilash). Ammo esda tutish kerak bo'lgan muhim narsa: massajor faqat sizning shaxsiy ehtiyojlaringizga mos keladigan bo'lsa foyda keltiradi. Misol uchun, agar siz selyulitdan xalos bo'lishni istasangiz, chimchilash va ishqalanishga taqlid qiladigan massajorni tanlang.

Massaj kursilari va puflar

Massaj kursisi — dam olishni va charchoqni uydan chiqmasdan olib tashlashni istaganlar uchun ajoyib yechimdir. Mashinalar ko'pincha qo'lda ta'sir qilishdan ko'ra samaraliroq bo'ladi, chunki ular professional massaj texnikasini aniq takrorlaydigan maxsus dasturlardan foydalanadilar. Ular turli xil ta'sir kuchi va intensivligiga moslashtirilishi mumkin.

Kursilar ko'plab datchiklar va sensorlar bilan jihozlangan bo'lib, ularning har biri massajni iloji boricha yoqimli va foydali qilish uchun o'z vazifasini bajaradi. Eng ilg'or modellar quyidagilarga imkon beradi:

• yurak urishi va pulsni kuzatish;
• yuklanish darajasini sozlash;
• infraqizil nurlanish yordamida to'qimalarni isitish;
• foydalanuvchi tanasining parametrlari ostida ta'sir qilish intensivligini sozlash;
• barcha funksiyalarni masofadan boshqarish.

Massaj kursilari va puflar yordamida bajarish mumkin bo'lgan bir nechta asosiy massaj turlari:

• Kompression — kursi yostiqlarini navbatma-navbat ishirish va puchaytirish orqali yumshoq to'qimalarning limfatik drenajlanishi sodir bo'ladi. Tana toksinlardan tozalanadi va turg'un suyuqlikni chiqaradi. Ushbu turdagi massaj qon aylanishini yaxshilaydi, qon tomirlari va yurakni mustahkamlaydi, uyquni normallashtiradi va terining elastikligini tiklaydi
• Rolikli — o'zgaruvchan mushaklarning kuchlanishi va bo'shashishi mushaklarning spazmlarini tinchlantiradi va yengillashtiradi.
• Ezuvchi — mushaklarning bo'shashtiruvchi va elastikligini oshirishga yordam beradi. Ushbu usul, ayniqsa, kompyuterda uzoq vaqt ishlash yoki noto'g'ri qomat tufayli doimiy bel zo'riqishini boshdan kechirayotganlar uchun samarali bo'ladi.
• Qoquvchi - panja bilan urish harakatlariga taqlid qilib, qon aylanishini yaxshilaydi, mushak skeletini rivojlantiradi va bo'g'imlarning harakatchanligini rivojlantiradi.
• Uruvchi- mushaklarning gipertonusini bartaraf etadi va kuchlanishni yengillashtiradi, qon aylanishini to'g'rilaydi va uyqu sifatiga ijobiy ta'sir ko'rsatadi.
• Shvedcha — u yuqoridagi ikkita texnikani birlashtiradi va mushaklarni bo'shashtirishga qaratilgan. Bog'imlarning ishlashini yaxshilaydi, bosh og'rig'i, astma va artrit alomatlarini va kuchlanishni yengillashtiradi.
• Vibromassaj — bir tekis elektrovibratsiya qon aylanishini yaxshilaydi, asab tolalarini tiklashga yordam beradi va ichki sekretsiya bezlarning ishini oshiradi.
• Shiatsu (nuqtali) — tananing ma'lum joylariga nuqtali ta'sir qilish. Massaj kursilarida bu usul barmoq bilan bosishga taqlid qiluvchi maxsus mexanizmlar yordamida amalga oshiriladi. Biologik nuqtalarning faollashishi ichki organlarning faoliyatini normallashtiradi va immunitet tizimining faoliyatini yaxshilaydi.
• Qizdiruvchi — issiqlik ta'siri tinchlantiruvchi ta'sirga ega, terida qon oqimini yaxshilaydi, kislorod bilan to'yinganish darajasini normallashtiradi va toksinlarni chiqarib tashlaydi.

Massaj kursilari bir qator afzalliklari bilan ajralib turadi:

• ko'p sonli o'rnatilgan dasturlar va funksiyalar (egilish va harorat darajasini, muolajaning kuchi va tezligini o'zgartirish, umurtqa pog'onasini "cho'zish"ni sozlash va boshqalar);
• jismoniy va hissiy holatni yaxshilaydiga muolajalarning samaradorligi;
• asab va jismoniy tarranglikning pasayishi;
• uyqusizlikdan xalos bo'lish;
• bir seansda ko'plab muammoli joylarni ishlab chiqish;
• qulaylilik;
• dizaynerlik yechimlarining xilma-xilligi.

Biroq, har qanday mahsulot singari, ular ham ma'lum kamchiliklarga ega. Ko'pincha bu kursilar va puflarning o'ziga emas, balki ularni noto'g'ri ishlatilishi bilan bog'liq:

• ekspluatatsiya qoidalarining buzilishi;
• kuniga 30 minutdan ko'p ishlatish.

Massaj kursisini ishlatishdan oldin mutaxassisning maslahati zarur. 

Ishonchli massajorni qanday tanlash mumkin: muhim mezonlar

Massajordan foydalanishning afzalliklari sezilarli bo'lishi uchun asosiy tanlov mezonlarini bilishingiz kerak:

• o'zingizning ko'rsatkichlaringiz asosida modelni tanlang va urf yoki tanishlarning tavsiyalariga amal qilmaslik;
• qurilmaning ishlashiga va qo'shimcha nasadkalar mavjudligiga e'tibor berish;
• massajorning foydasi va zarari to'g'risidagi ma'lumotlarni ko'rib chiqing va davolovchi shifokordan maslahat so'rash;
• ishonchli ishlab chiqaruvchilarning qurilmalarini sotib olish — taniqli brend har doim o'z sifatini qadrlaydi;
• qimmatbaho mashinani sotib olayotganda, sinab ko'rishi va mutaxassislardan maslahat olish mumkin bo'lgan savdo nuqtalarini topishga harakat qilish;
• internetda sharhlar va halol foydalanuvchilarning izohlarini o'rganish.