Choʻmilish uchun eng yaxshi joylar: Toshkent atrofidagi suv havzalari

Poytaxtdan olisga chiqmasdan qayerda mazza qilib choʻmilish va quyoshda toblanish mumkinligi haqida gapirib beramiz.

Tabiatning yomon kuni boʻlmaydi, lekin koʻpincha goʻzal maskanlarga borish uchun uzoq yoʻl yurish kerak. Oʻzbekistonda choʻmilish uchun juda koʻp suv havzalari mavjud, biroq ularning koʻpi poytaxtdan ancha uzoqda joylashgan. Keling, Toshkentdan uzoqlashmay, uning yaqinida qayerda qulay choʻmilish va goʻzal tabiatdan bahramand boʻlish mumkinligi haqida gaplashamiz.

Siz uchun eng qiziqarli daryo, koʻl va suv omborlari roʻyxatini tuzib chiqdik. Bu maskanlarga turli usullar bilan borish mumkin: gid boshchiligida sayyohlik guruhi bilan, ijaraga mashina olib, avtobus yoki taksida.

Chorvoq suv ombori

Ushbu suv ombori 1970-yilda Chorvoq GESi toʻgʻoni qurilishi bilan paydo boʻlgan. Chorvoq Chirchiq daryosida joylashgan boʻlib, u Gʻarbiy Tyan-Shan togʻlari muzliklarining erigan suvlari bilan toʻladi. Suv ombori oʻzining jozibador koʻrinishi, shuningdek, anchagina salqin va toza suvi bilan ajralib turadi. Toshkentdan taxminan 80 km uzoqlikda joylashgan.

Suv ombori hududidagi barcha plyajlarning oʻz egalari mavjud; yovvoyi joylar deyarli qolmagan desak, adashmagan boʻlamiz. Eng mashhur va eng katta plyaj "Piramida" dam olish majmuasida joylashgan. Bundan tashqari, ba'zan daryo va Maldiv orollari qumlari bilan taqqoslanadigan "Oq qumlar" plyaji ham mavjud. Ikkala joyda ham kirish va quyosh karavotlari ijarasi uchun toʻlov undiriladi — narxlarni oldindan aniqlashtirib olganingiz maʻqul.

Chorvoqda plyajlardan tashqari koʻplab sayyohlik markazlari, lagerlar, dam olish maskanlari va kafelarni ham topishingiz mumkin. Ularning hozirgi joylashuv manzilini har qanday qulay xaritalash xizmatidan bilib olishingiz mumkin.

Tuyaboʻgʻiz suv ombori (Toshkent dengizi) 

Toshkent dengizi nomi bilan ham tanilgan ushbu suv ombori poytaxt markazidan atigi 30 km uzoqlikda, Ohangaron daryosining oʻrta oqimida joylashgan. Uning hududida bir necha maxsus plyajlarda hordiq chiqarish mumkin, ammo agar xohlasangiz, "yovvoyi" hududda ham choʻmilishingiz mumkin. Xohlovchilar uchun esa pullik zonalarda topchanlar va bungalolar mavjud.

Suv ombori poytaxtga juda yaqin joylashganligi sababli, u yerga hatto velosipedda ham borsa bo‘ladi — suv yaqinida mazza qilib hordiq chiqarish uchun bunday sayohatni tashkil qilishga kuch-gʻayrat va koʻtarinki kayfiyat boʻlsa bas.

Aydarkoʻl va Tuzkon koʻllari

Bu suv omborlari 20-asrning 60-yillarida Shardara GESi qurilishi jarayonida Sirdaryoning toʻsilishi natijasida vujudga kelgan. Choʻlning qoq oʻrtasida joylashgan bu koʻllar haqiqiy oazislarni eslatadi. Biroq, ayni vaqtda bu maskanlarda turizm infratuzilmasi yaxshi rivojlanmagan. Biroq, hech kim u yerga tashrif buyuruvchilarga toʻsqinlik qilmaydi — qirgʻoqlari qum bilan qoplangan, "yovvoyi" dam olish uchun ayni muddao, suvi esa dengizniki kabi shoʻrimtirroq.

Ikki koʻl hududi yaqinida Shardara suv ombori va Arnasoy koʻllari ham joylashgan. Asosiysi, bu maskanlarga yetib borish va dam olish uchun plyajda eng qulay joyni topishdir. Agar xohlasangiz, suv havzalari boʻylab bemalol sayr qilishingiz mumkin.

Toshkentdan Aydarkoʻl va Tuzkongacha boʻlgan masofa 200 km atrofida boʻlgani uchun hordiq chiqarish va shaharga qaytish yoʻllarini oldindan rejalashtirgan ma'qul.

Sirdaryo daryosi

Qozogʻiston, Oʻzbekiston, Qirgʻiziston va Tojikiston hududidan oqib oʻtuvchi Markaziy Osiyodagi eng uzun daryolardan biridir. Sirdaryo azaldan Toshkent viloyatining choʻmilish uchun mashhur maskanlaridan biriga aylangan desak mubolagʻa boʻlmaydi, chunki, oraliq masofa taxminan 70 kmni tashkil etadi. "Marvarid daryosi" juda keng, ammo sayoz, qirgʻoqlari esa loydan iborat.

Birinchi navbatta, bu daryoning suvi maishiy ehtiyojlar uchun ishlatiladi, lekin ba'zi joylarida choʻmilish mumkin. Biroq, daryoning oʻzida maxsus plyajlarni topish qiyinchilik tugʻdirishi mumkin.

Chirchiq daryosi

Sirdaryoning oʻng va eng chuqur irmogʻi boʻlgan bu daryo Toshkentning oʻzidan oqib oʻtadi va shahar tashqarisida hordiq chiqarish uchun mutlaqo qulay maskandir. Poytaxtdan Chorvoq suv omboriga qarab harakatlansangiz, yoʻlda choʻmilish va quyoshda toblanish mumkin boʻlgan sokin joyni topishingiz mumkin — bundan tashqari, u shahar sivilizatsiyasidan ham uncha olisda emas.

Biroq, daryoning oʻzida turistik infratuzilma yaxshi rivojlanganligi sababli maxsus plyajni topish muammoga aylanishi mumkin. Biroq, hech kim daryoda “yovvoyi” dam olishingizga toʻsqinlik qilmaydi.

Ixnachkoʻl koʻllari

Suv hajmi va maydoni boʻyicha Toshkent viloyatidagi eng yirik togʻ koʻllari hisoblanadi. U yerga borish anchagina mashaqqatni talab qiladi, chunki ular 2 ming kmdan ortiq balandlikda joylashgan boʻlib, ekstrim ishqibozlari hamda sovuq suvda choʻmilishni sevuvchilar uchun juda mos keladi — chunki hatto jazirama issiqda ham koʻllardagi suv harorati ombordagi odatiy suv haroratidan ancha past boʻladi.

Bu variat odatiy plyajlarda hordiq chiqarishni afzal koʻruvchilar uchun mos kelishi dargumon. Ammo bu poytaxtdan uzoqlashmay, uning yaqinidagi togʻlarga qisqa sayohatga chiqmoqchi boʻlganlar uchun ajoyib tanlovdir.

Urungach Nefrit koʻllari

Toshkentdan 160 km uzoqlikda joylashgan bu ikki togʻ koʻllari Ugom-Chotqol milliy bogʻining Urungach soyi vodiysida joylashgan. Qizigʻi shundaki, ularning nomi uygʻurcha "kash" — nefrit va "urung" — "yorqin" soʻzlari bilan chambarchas bogʻliq boʻlib, "yorqin yoki oq nefrit" degan maʼnoni anglatadi.

Kompleks Yuqori va Quyi koʻllardan iborat. Ular suvining hajmi va rangi bilan bir-biridan farq qiladi. Quyi qismi hajmi boʻyicha kichikroq boʻlib, erigan suvlar bilan toʻyinadi va yozda ham Selsiy boʻyicha 8 darajadan oshmaydigan salqin haroratni saqlaydi. Bu koʻl Yuqori koʻldan farqli oʻlaroq, oʻzining shaffofligi bilan ajralib turadi.

Yuqori koʻl undan balandroqda joylashgan va oʻzining ajoyib togʻ panoramasi bilan kishini hayratga soladi. Hozirda uning suvi yorqin va shaffof boʻlmasa-da, u yerda choʻmilish mumkin — bu sovuq suvdan adrenalin olishning ajoyib usulidir..

Shuni ta'kidlash joizki, koʻl tomon borayotganda, sizdan pasport nazoratidan oʻtish talab qilinadi — koʻllar deyarli Qirgʻiziston va Qozogʻiston chegarasida joylashgan. Toshkentdan koʻllargacha borib qaytish va u yerda hordiq chiqarish uchun katta ehtimol bilan butun bir kun ketishi mumkin.