Beg‘ubor bolalik: 10 yoshli qiz uchun ajoyib sovg‘a tanlaymiz

Tannoz yoki ijodkor, qiziquvchan yoki maqsadga intiluvchan — qizingiz o‘zi qanaqa? Bu savolga javob topsangiz, 10 yoshli qizchaning tug‘ilgan kuniga nima sovg‘a qilish mumkinligini aniq bilib olasiz, chunki aynan shu yoshda bolaning individualligi jadal shakllanadi. Biz esa yordam beradigan g‘oyalarni to‘pladik.

O‘z-o‘zini anglash uchun g‘oyalar

Agar qizingiz ko‘zguda uzoq vaqt o‘zini o‘rgansa, ko‘p savollar bersa va tengdoshlari bilan munosabatlar haqida faol fikr yuritsa, “10 yoshli qiz uchun nima sovg‘a qilish mumkin?” degan savolga eng yaxshi javob unga dunyoni va o‘zini yaxshiroq anglashga yordam beradigan o‘yinlar va gadjetlar bo‘lishi mumkin. Quyidagi variantlarga e'tibor berishni maslahat beramiz:

So‘zlarni topishga mo‘ljallangan  “Men kimman?” bolalar stol o‘yini.

Nafaqat o‘zini yaxshiroq bilishni istagan qizlar uchun, balki uning do‘stlar doirasini birlashtirish hamda bu doiraga kirishni istagan ota-onalar uchun ham ajoyib sovg‘a. Bayramda bolalar bilan o‘ynang, agar do‘stlari ota-onasining qanchalik quvnoq va do‘stona ekanligini ko‘rsalar, qizingiz xursand bo‘ladi.

Bolalar printeri — bir zumda chop etuvchi fotoapparat (tezkor kamera), Bluetooth termal printer

Dunyoga va  o‘zingizga fotoapparat obyektivi orqali qarash juda foydalidir, chunki lahzani to‘xtatib, unda yanada ko‘proq narsalarni ko‘rishingiz mumkin. Bundan tashqari, 720p formatida suratga olish qimmatbaho daqiqalarni ajoyib tafsilotlar bilan saqlab qolishga imkon beradi.

“Как устроены девочки” (“Qizlar qanday yaratilgan”) kitobi

Qizlarning tanasi o‘ziga xos va murakkab tuzilgan. Va, albatta, o‘zi haqida ko‘p yangi narsalarni o‘rganadigan yoshga kirayotgan 10 yoshli qiz uchun bunday noodatiy sovg‘a juda foydali bo‘ladi. Bundan tashqari, unda juda murakkab narsalar oddiy tilda tushuntiriladi.

Go‘zallik g‘oyalari

Psixologlarning ta'kidlashicha: o‘smirlikdan oldingi davrida qizlar uchun o‘zini go‘zal his qilishi juda muhim bo‘lib qoladi va keyinchalik bu ehtiyoj faqat ortadi. Shunday qilib, 10 yoshli qizga sovg‘a sifatida go‘zallik uchun biror narsa tanlab, uning o‘ziga bo'lgan ishonchini juda qo‘llab-quvvatlaysiz. Qanday variantlarga e'tibor berishingiz mumkin:

Qizlar uchun bolalar dekorativ kosmetika to‘plami

Bu yoshda qizlarga go‘zal bo‘lish muhimdir. 10 yoshli qizga sovg‘a sifatida gipoallergen kosmetika to‘plami uydagi birinchi tajribalari uchun juda mos keladi. Va eng to‘g‘ri vaqtda hayotda foydali bo‘lgan o‘z-o‘zini parvarish qilish ko‘nikmalarini shakllantirishga yordam beradi.

Qizlar uchun shleyfli oqshom libosi

Har bir malikaga balga borish uchun libos zarurdir. Bu ko‘ylak aynan shunday: yaltiroq toshlar, to‘liq to‘rli yubka va shleyf 一 o‘zini eng go‘zal his qilishi uchun kerak bo‘lgan narsa. Va ichki qismidagi yumshoq astar terida qichishishlar bo‘lmasligini ta'minlaydi.

Bilakuzuklar yasash uchun sovg‘a to‘plami

10 yoshli qiz uchun bu sovg‘a nafaqat  yanada go‘zal bo‘lishiga yordam beradi, balki qiziqarli xobbi yoki hatto kelajakdagi kasbining boshlanishi ham bo‘lishi mumkin, chunki qo‘lda tayyorlangan mahsulotlar hozir juda qadrlanadi. Chevarlik mayda qo‘l motorikasi va hissiy qobiliyatlarni rivojlantirishga yordam beradi, shuningdek, asab tizimini tinchlantiradi.

Sehrgarlik uchun g‘oyalar

Bu yoshda qizlar o‘zlarining kelajakdagi yo‘llarini ayol sifatida anglay boshlaydilar, lekin ertaklar va sehrgarlik, avvalgidek, ular uchun juda muhim o‘rin tutadi. Shunday ekan, buning ko‘p bo‘lgani yaxshi. Ertak doimo uning hayotida bo‘lishi uchun 10 yoshli qizga quyidagilarni sovg‘a qilish mumkin:

Masofadan boshqaruv pultili “Kosmonavt” bolalar tungi chiroq-proyektori

Sakkiz rangli proektsiyalar, yulduzli osmon va hatto turli xil rejimlarda sozlash mumkin bo‘lgan tumanlik — bolalar xonasida ertak muhitini yaratish uchun ideal qurilma. Ushbu “kosmonavt” juda kichik va yengil, va kerak bo‘lsa, uni o‘zingiz bilan sayohatlarga olib ketishingiz mumkin.

J. K. Rouling “Garri Potter”, to‘liq to‘plam, 8 ta kitobdan iborat

Har qanday kichik sehrgar bunday antiqa sovg‘ani qadrlaydi, chunki bu unga nafaqat sehrli dunyoga istagan zahoti sho‘ng‘ishga, balki ko‘plab yangi narsalarni o‘rganishga imkon beradi — Joan Rouling tomonidan yaratilgan “Garri Potter” dunyosida ulg‘ayish xavfsiz va sehrli muhitda sodir bo‘ladi.

Chamadonda ijodkorlik va rasm chizish uchun to‘plam

Bunday sovg‘a yordamida esa 10 yoshli sehrgar o‘zining ajoyib olamlarini yaratishi mumkin bo‘ladi. Chamadonda buning uchun kerak bo‘lgan hamma narsa bor: moyli pastel rangli qalamlarning katta to‘plami, yorqin rangli flomasterlar — mini markerlar, yuqori sifatli rangli qalamlar, akvarel bo‘yoqlarining boy palitrasi, shuningdek, kanselyariya buyumlari to‘plami.

Kelajak uchun g‘oyalar

Qizingiz o‘zining maqsadga intiluvchanligi va o‘zini tutishi bilan sizni hozirdan hayratda qoldiryaptimi? Kelajakdagi rahbar shunday namoyon bo‘ladi. Uni erta bosqichda qo‘llab-quvvatlash juda muhimdir. 10 yoshiga unga nima sovg‘a qilish kerak?

GPS va sim-kartali bolalar aqlli soati

Bo‘lajak rahbarga har doim aloqada bo‘lish imkoniyati va muhim masalalar haqida eslatmalar opsiyasi albatta yoqtirishi kerak. Shuningdek, budilnik, chiroq va o‘quv o‘yini ham. GPS treker yordamida  ota-onalar har doim farzandining qayerdaligini bilishadi.

Simsiz mikrofon-karaoke , Bluetooth

Notiqlik mahorati va diksiyani oldindan o‘rgatish kerak. Buvisi esa olti soat davom etadigan muntazam kontsertlardan qanchalik xursand bo‘ladi! Mikrofon tanaffussiz aynan shuncha vaqt ishlashi mumkin. Ushbu qurilma har qanday oilaviy bayramini yorqin qiladi, shuning uchun 10 yoshli qizlar uchun bu chindan  ham ajoyib sovg‘a bo‘lishi mumkin.

Chizish uchun grafik LCD planshet

Muhim rejalarni yozish yoki maktab uy vazifasini boyitish? Agar hamma narsadan charchagan bo‘lsangiz, shunchaki begemotni chizishingiz mumkin. Planshet barcha muhim narsalarni saqlab qoladi: ekranni blokirovka qilish tugmasi matn yoki grafiklarni o‘chirmasdan uzoq vaqt saqlanishini ta'minlaydi. Muhim bo‘lmagan narsa esa o‘chiriladi. Aytgancha, agar yosh xonim ekologiya haqida qayg‘ursa, unga bunday bitta planshet qog‘ozni tejashi hisobiga uchta daraxtni qutqarishi yoqadi.

Sarguzashtlar uchun g‘oyalar

Sarguzasht davom etmoqda! Aniqrog‘i, bu yoshda ular yanada ko‘payadi. Shuning uchun 10 yoshli qizlarga sport va faol hayot tarzi uchun turli xil aksessuarlar ajoyib sovg‘a bo‘lishi mumkin. Bu, shuningdek, bolani kompyuterdan chalg‘itish va uning e'tiborini bog‘da toza havoda sayr qilishga qaratishning ajoyib usuli.

Rolikli konkilar

Rolikli konkida uchish — bu sifatli kardio mashg‘ulot. Sport shifokorlarining fikriga ko‘ra, ushbu sport turi eng samarali hisoblanadi, chunki u tana mushaklarining 90 foizini mashq qildiradi.

Pennibord, yorqin g‘ildirakli bolalar skeytbordi

Plastmassadan yasalgan va yorqin g‘ildiraklar bilan to‘ldirilgan skeytbordning kichraytirilgan nusxasi faol yosh xonimga yoqadi. Jihoz xavfsizligi uchun sirpanishga qarshi qovurg‘ali qoplamaga ega va plastikdan tayyorlanganligi sababli vaqt o‘tishi bilan deformatsiyalanmaydi. Bu 10 yoshli qizga nima sovg‘a qilish masalasini uzil-kesil hal qiladi, chunki u rul boshqaruvini soddalashtiradigan manyovrli ilgak va notekislikni yumshatuvchi yumshoq keng g‘'ildiraklar bilan jihozlangan.

Bolalar samokati

Temir ramali ikki g‘ildirakli samokat sarguzasht dunyosiga eshik ochadi, chunki bu bolaning birinchi shaxsiy transport vositasi bo‘lishi mumkin. Faqatgina harakat erkinligini ta'minlab qolmasdan, balki mustaqillik va boshqaruv ko‘nikmalarini rivojlantirish yo‘lidagi muhim qadamdir. Temir rama va nasosga ega bo‘lgan ushbu modelning narxi ham arzon, bu esa uni  10 yoshli qiz uchun ajoyib tug‘ilgan kun sovg‘asi qiladi.

Shirin hayot uchun g‘oyalar

O‘smirlikdan oldingi davrda qizlar kundalik hayot va uy ishlariga qiziqa boshlaydilar. Albatta, dastlab uy xo‘jaligi jarayoni ona bilan birgalikda o‘rganiladi. Ammo 10 yoshli qiz uchun ba'zi sovg‘alar uni yanada qiziqarli qilishi mumkin.

“Пироговедение для детей” (“Bolalar uchun Pirogshunoslik”) kitobi

Yorqin pirojniylar va tasavvur qilib bo‘lmaydigan tortlar, qarsillama vaflilar va mazali pechenye — bularning barchasini va boshqa yana ko‘plab narsalarni qanday tayyorlashni ushbu kitob aytib beradi. Va undan bo‘lajak uy bekasi ilgari bilmagan turli xil mahsulotlar haqida qiziqarli ma'lumotlarni bilib olishi mumkin.

Shirin paxta tayyorlash apparati

Atigi bir qoshiq shakar — va uyda haqiqiy bayram. Bunday antiqa sovg‘ani har qanday 10 yoshli qiz qadrlaydi. Va ayniqsa, yaqinlarini xursand qilishni yaxshi ko‘radigan bo‘lsa. Albatta, unga qurilmadan faqat kattalarning yordamida foydalanish shartligini tushuntirish kerak. Paxtani tayyorlash jarayoni bir necha daqiqa davom etadi.

Yurak shaklidagi elektr mini-vafli pishirgich

Kichkina, yengil va ishlatish uchun juda oddiy, uning yordamida istalgan vaqtda nafaqat shirin vena vaflisi, balki sabzavot yoki pishloqli nonushta ham tayyorlash mumkin bo‘lgan qurilma, albatta jajji uy bekasiga yoqadi. Bundan tashqari, ota-onasiga 10 yoshga to‘lgan qiziga nima sovg‘a qilsam ekan, degan savolga yaxshi yechim bo‘lishi mumkin. Axir, xavfsizlik nuqtai nazaridan, uni kattalar nazorati ostida ishlatish kerak bo‘ladi.