Barcha yoshdagi qizlar uchun foydali sovg‘alar

“Barcha qizlar pushti rang va Barbini yaxshi ko‘radi” degan stereotiplar o‘tmishda qolmoqda. Borgan sari, sovg‘ani tanlashda bolaning fe’l-atvori va qiziqishlariga qarab boryapmiz. Bordi-yu, u qiz o‘smir bo‘lsa, unda sovg‘a tanlash vazifasi yanada qiyinlashadi. Quyida yangi tug‘ilgan qiz uchun ham, o‘smir uchun ham turli sovg‘a g‘oyalari mavjud.

0 dan 1 yoshgacha

Bu yoshdagi bolalar sovg‘alarning ma'nosini tushunmaydilar, lekin kattalarning his-tuyg‘ularini sezadilar. Shuning uchun, chaqaloq yoki uning ota-onasi uchun foydali bo‘lgan narsani tanlash yaxshidir. Bu, masalan, chaqaloqni parvarishlash vositalari yoki g‘ayrioddiy o‘yinchoqlar bo‘lishi mumkin. Onalarga rivojlantiruvchi gilamcha, sling, beshik, beshik uchun mobil yoki video enaga albatta yoqadi. Qizingiz yorqin musiqiy o‘yinchoq, yumshoq ayiqcha yoki akva gilamchani yaxshi ko‘rib qolishadi.

Pushti o‘yinchoqlarni tanlash shart emas. Chaqaloqlar kontrast ranglarni yaxshi qabul qiladilar, ba'zi bolalar esa qora rangni afzal ko'radilar. Shuning uchun, qizlarga sovg'a tanlashda ranglar gammasini cheklash kerak emas. Lekin yorqin, toza, boy ranglarni tanlash yaxshidir, masalan, ko'k, qizil, sariq, yashil.

1 dan 3 yoshgacha

Bu yoshda qizlar onalariga taqlid qilishni boshlaydilar. Ularga chiroyli kiyinish, marjonlar taqish va bashang yubkalar kiyish yoqadi. Ammo hamma bolalar har xil: ba'zi qizlar, aksincha, shortilar va jinsilarni afzal ko‘rishadi, sochlardagi tasmalarni esa ortiqcha element sifatida qabul qiladilar. Kichkina qizchaga nima sovg‘a qilish haqida o‘ylayotganda, uning xarakterini hisobga olishni unutmang. Rivojlantiruvchi o‘yinchoqlar har doim foydali bo‘ladi — ularning xilma-xilligi juda katta. Masalan, musiqiy kitoblar, sorterlar, interaktiv uy hayvonlari, quruq hovuzlar.

Kichkintoylarga juda kichik va juda katta yumshoq o‘yinchoqlar yoqadi. Shuningdek, qizlarga sovg‘a sifatida ijodiy to‘plamlar, soch aksessuarlari, sumkalar, o‘yinchoqlar, qo‘g‘irchoqlar va hatto mashinalarni tayyorlashingiz mumkin — rolli o‘yinlar paytida hamma narsa foydali bo‘ladi. Faol o‘yinlar uchun to‘plar, sakrash arqonlari, samokat yoki hatto shvedcha devorini sovg‘a qilish mumkin.

4 dan 7 yoshqacha

Qizlarga katta narsalarning mini nusxalarini yoqadi. Masalan, o‘yinchoq oshxona, mini-do‘kon va rolli o‘yinlar uchun boshqa aksessuarlar. Kichkintoylar, shuningdek, o‘z qo‘llari bilan bilaguzuk yasash yoki sovun tayyorlash kerak bo‘lgan ijodkorlik to‘plamlaridan xursand bo‘ladilar. Oyna, taroq, manikyur to‘plamlari bo‘lgan o‘yinchoq go‘zallik saloni ham yoqimli sovg‘a bo‘lishi mumkin.

Qizlarga sovg‘a tanlashda noodatiy narsalarga ham e'tibor bering. Masalan, filmoskop, interaktiv globus, tamagochi. Bolalar qiziqarli tarzda aloqa qilishlari mumkin bo‘lgan o‘yinchoqlarni yaxshi ko‘radilar.

7 dan 11 yoshgacha

Yorqin va antiqa kanselyariya buyumlari, masalan, egiluvchan qalam yoki yaltiroq qalamdon qizlar uchun foydali sovg‘a bo‘lishi mumkin. Qizlar quloqchinlar, interyer buyumlari, chiroyli kundaliklar va musiqiy qutilariga ham xursand bo‘lishlari mumkin. Bolaning sevimli multfilmlari bo‘lsa, unga asar asosida kitob sovg‘a qilish mumkin.

Bu yoshda bolalar ko‘pincha o‘z qiziqishlarini faol namoyon qila boshlaydilar. Sovg‘a tanlashda ularni e'tiborga olish kerak. Misol uchun, chizishni yaxshi ko‘radiganlar uchun bo‘yoqlarning katta to‘plami yoki sportga qiziqqan qizlar uchun rolikli konki. Bolalar kosmetikasi to‘plami va urfdagi kiyimlar ham bolani xursand qiladi.

O‘smirlar uchun

O‘smir qizlar tengdoshlari orasida ajralib turishni istaydilar. Shuning uchun zamonaviy, trenddagi sovg‘alar ularga yoqadi. Bu fen, zargarlik buyumlari, dekorativ yoki parvarish kosmetikasi bo‘lishi mumkin. Qizlar uchun tug‘ilgan kun sovg‘asi sifatida parfyumeriya, vanna uchun ko‘pik va soch maskalari mos keladi.

Qizlar gadjetlarga ham befarq emaslar, shuning uchun fotoapparat yoki portativ kolonkalar ular uchun yaxshi sovg‘a bo‘lishi mumkin. Foydali va qiziqarli sovg‘a — xona va interyer uchun tekstil. Masalan, kreslo-xalta,  aqlli chiroq, g‘aladon.

Sovg‘ani tanlashda yoshni hisobga oling — agar o‘yinchoq kichikroq yoki kattaroq bolalar uchun mo‘ljallangan bo‘lsa, u zerikarli bo‘ladi. Hech kim keyinchalik ishlatilishi mumkin bo‘lgan sovg‘a olishni yoqtirmaydi. Masalan, yana olti oydan keyin minish mumkin bo‘lgan velosiped.

Sovg‘ani original tarzda taqdim etishning bir necha usuli bor:

• Xazina ovi: uy atrofida yashiringan ishoralar va topishmoqlar bilan o‘yin shaklida sovg‘a qidirishni uyushtiring. Bola oxir-oqibat xazinani topish uchun jumboqlarni yechib, izlar ortidan borsin.
• Sehrli quti: sovg‘ani har xil o‘lchamdagi bir nechta qutilarga joylashtiring, birini ikkinchisining ichiga soling. Bola intiqlik bilan qutichani ochadi.
• Yostiq ostidagi kutilmagan sovg‘a: sovg‘ani yostiq ostiga yashiring, shunda bola uni ertalab uyg‘onganida topadi.
• Hikoya yoki ertak yarating: sovg‘a eng qiziq joyida paydo bo‘ladigan qiziqarli hikoya yoki ertakni aytib bering.
• Sovg‘a diqqat makazida: sovg‘ani xonaning o‘rtasiga, ehtimol choyshab ostiga qo‘ying, shunda bola uni xonaga kirganda topadi.

Va chiroyli qadoqlash haqida unutmang — bu yanada sirli bo‘ladi va taassurotni kuchaytiradi.