Yaqiningni sev. Remark. Erix Mariya

Remark bu romanda front sahnalari emas, balki chegaralar ortidagi va-

tansizlik fojiasi haqida so'z yuritadi. Qahramonlar doimiy ravishda pasport,

ishlash va yashash huquqi muammosi bilan to'qnashadi; chegaralar yopiq,

odamlar sovuqqon va befarq, inson qadri qog'oz parchasi - hujjatga bogʻliq

bo'lib qolgan. Ular tirik, ammo huquqsiz; mavjud, biroq go'yo yo'qdek. Mu-

allif inson sha'ni va erkinligi qanchalik mo'rt ekanini Morits Rozental, Ludvig

Kern, Rut Holland, Marill, Mari va Yozef Shtayner kabi obrazlar orqali ochib

beradi. Ularning eng katta orzusi - oddiy va tinch hayot hamda inson sifatida

tan olinishga bo'lgan istak, xolos.

Uslubiy jihatdan sodda, biroq hissiy tomondan kuchli yozilgan ushbu ro-

man ma'lum doira yoki jamiyatga qarshi ochilgan urush qanchalik qimmatga

tushishini, har qanday ezgulik ham totalitar tuzum zo'ravonligiga qarshi ojiz

qolishini ko'rsatadi. Kern va Rut o'rtasidagi muhabbat esa kitobxon qalbi-

ga yorug'lik olib kirib, hatto eng og'ir damlarda ham inson qalbida mehr va

umid uchquni yashab qolishini isbotlaydi. Roman bugungi kun uchun ham

dolzarb: urush, muhojirlik, inson huquqlari masalasi hanuz davom etmoqda.

Asar keng kitobxonlar ommasiga mo'ljallangan.