XItoy tili grammatikasi

S. Hashimovaning “Xitoy tili. Zamonaviy xitoy tili grammatikasi” kitobi zamonaviy xitoy tilining grammatik tizimini o‘rganishga mo‘ljallangan o‘quv qo‘llanmadir. Unda xitoy tilidagi so‘z turkumlari, gap bo‘laklari, so‘zlarning grammatik vazifalari, so‘z tartibi hamda turli tipdagi gaplarning tuzilishi izchil yoritiladi.

Qo‘llanmada xitoy tiliga xos grammatik xususiyatlar, jumladan, fe’llar, sifatlar, olmoshlar, sonlar, hisob so‘zlari, ravishlar, ko‘makchi va yordamchi birliklarning qo‘llanishi tushuntiriladi. Shuningdek, tasdiq, inkor, so‘roq, buyruq va boshqa gap shakllarining tuzilishi, grammatik konstruksiyalar hamda ularning nutqdagi vazifalariga e’tibor qaratiladi.

Kitob xitoy tilini o‘rganayotgan talabalar, o‘qituvchilar, tarjimonlar hamda xitoy tili grammatikasini tizimli ravishda chuqurroq o‘rganishni istagan kitobxonlar uchun foydali manba bo‘lib xizmat qiladi.