Vakuum apparati — mahsulotlar uchun vakuumli qadoqlash mashinasi + 50 ta paket sovg‘a

Mahsulotlar yaxshi saqlansin, muzlatkichda tartib bo‘lsin

Bozordan olingan go‘shtni bir ovqatlik qilib ajratish, ochilgan pishloqni qadoqlab qo‘yish yoki muzxonada joyni tejash — vakum apparat bilan bularni qilish ancha qulay.

Qurilma maxsus paket ichidagi havoni tortib chiqaradi va paket og‘zini issiqlik yordamida mahkam yopadi. Mahsulot to‘g‘ri haroratda saqlansa, bunday qadoq uning yangiligini uzoqroq saqlashga yordam beradi.

Har safar katta paketni ochib, ichidan kerakli miqdorni ajratib o‘tirish shart emas. Mahsulotlarni oldindan bo‘lib qadoqlaysiz, kerak bo‘lganda bittasini olib ishlatasiz.

Go‘sht, baliq, pishloq va quruq mahsulotlar uchun

Vakuumli qadoqlash mashinasi kundalik bozorlikni ham, oldindan olib qo‘yilgan mahsulotlarni ham qadoqlashda asqatadi.

Go‘sht va baliqni muzlatishga tayyorlash, qattiq pishloqning ochilgan qismini alohida qadoqlash, yong‘oq, yorma va quruq mevalarni mos paketlarga joylash mumkin.

Oilada qancha mahsulot ishlatilishiga qarab, paketlarni katta yoki kichik qilib tayyorlaysiz. Masalan, go‘shtni bir ovqatga, yong‘oqni esa o‘zingiz bilan olib ketishga yetadigan miqdorda qadoqlab qo‘yishingiz mumkin.

Bir marta bo‘lib qo‘ying — keyin keraklisini oling

Ko‘proq go‘sht olib, hammasini bitta paketda muzlatib qo‘ysangiz, keyin kerakli qismini ajratish qiyin bo‘ladi. Uni oldindan bir ovqatlik qilib qadoqlash qulayroq: kerak bo‘lganda faqat bitta paketni olasiz, qolgani muzxonada turaveradi.

Paket ustiga mahsulot nomi va qadoqlangan sanani yozib qo‘ysangiz, nima qayerda turganini va avval qaysi birini ishlatish kerakligini bilish osonlashadi.

Havosi chiqarilgan paketlar ortiqcha shishib turmaydi. Ularni mahsulot shakliga qarab tekisroq joylashtirish va muzxonadagi joydan unumliroq foydalanish mumkin.

Quruq va nam mahsulotlar uchun alohida rejimlar

Qurilmada quruq va nam mahsulotlarga mo‘ljallangan rejimlar bor. Qadoqlayotgan mahsulotingizga qarab mosini tanlaysiz.

Yong‘oq yoki yorma uchun quruq rejimdan, go‘sht va baliq kabi namroq mahsulotlar uchun esa nam rejimdan foydalaniladi.

Nam mahsulot bilan suyuqlik bir xil emas. Bu rejim sho‘rva, suv yoki suyuq sousni to‘g‘ridan-to‘g‘ri vakuumlash uchun mo‘ljallanmagan. Suyuqlik qurilma ichiga tortilib ketmasligi kerak.

Faqat paketni yopish kerakmi? Buning ham imkoni bor

Har bir mahsulotning havosini chiqarish shart emas. Ba’zan paket og‘zini mahkam yopishning o‘zi yetarli.

Alohida yopish funksiyasi bilan issiqlikda yopishga mos paketlarni vakuumlamasdan berkitish mumkin. Bu ezilib ketishi mumkin bo‘lgan mahsulotlarni qadoqlashda ham qulay.

Shu tariqa bitta vakum aparat ikki vazifani bajaradi: paket ichidagi havoni chiqarib qadoqlaydi yoki havosini chiqarmasdan faqat og‘zini yopadi.

Boshqaruv panelida kerakli funksiyalar bor

Panelda vakuumlash, paketni yopish, quruq va nam mahsulotlar rejimlarini tanlash hamda jarayonni to‘xtatish tugmalari joylashgan. Tugmalardagi yozuvlar rus tilida.

Jarayonni to‘xtatish kerak bo‘lsa, «Стоп» tugmasidan foydalanishingiz mumkin.

Qurilma elektr tarmog‘ida ishlaydi. Mahsulot va mos paketni tayyorlab, qurilmani tekis, quruq joyga qo‘ysangiz, qadoqlashni boshlash mumkin.

Qanday ishlatiladi?

Mahsulotni mos vakuum paketga soling. Paketni og‘zigacha to‘ldirmang — qurilmaga joylashtirish va yopish uchun yuqori qismida bo‘sh joy qolsin. Yopiladigan qismi toza, quruq va buklanmagan bo‘lishi kerak.

Paketning ochiq chetini yo‘riqnomada ko‘rsatilgan vakuumlash joyiga tekis joylashtiring. Qopqoqni mahkam yoping, mahsulotga mos rejimni tanlang va vakuumlashni boshlang.

Jarayon tugagach, paketni olib, yopilgan joyini tekshiring. Qadoqlangan sanani yozib qo‘ying va mahsulotni kerakli sharoitda saqlang.

Ishlatishdan oldin bilib qo‘yish muhim

Vakuumlash uchun ushbu turdagi qurilmaga mos maxsus paketlar kerak. Oddiy yupqa paket yoki do‘kondagi tayyor qadoqlarning hammasi ham vakuumlash va issiqlik bilan yopishga mos kelmaydi.

Vakuum qadoq muzlatkichning o‘rnini bosmaydi. Go‘sht, baliq va boshqa tez buziladigan mahsulotlarni qadoqlagandan keyin ham muzlatkichda yoki muzxonada saqlash kerak. Saqlash muddati mahsulotning dastlabki holati, turi va haroratiga bog‘liq.

Qurilmani tozalashdan oldin elektrdan uzing. Uni suvga botirmang va foydalanishda yo‘riqnomaga amal qiling.

Bozorlikdan keyin ozgina tayyorgarlik — har kuni qulaylik

Uyga kelgach, mahsulotlarni kerakli miqdorda ajratib qadoqlab qo‘ysangiz, keyingi safar ovqat tayyorlash osonroq bo‘ladi. Kerakli masalliq alohida paketda tayyor turadi, katta qadoqlarni qayta-qayta ochishga hojat qolmaydi.

Vakumator mahsulotni ko‘proq olib qo‘yadigan, ovqatga masalliqni oldindan tayyorlaydigan va muzlatkichida tartib bo‘lishini xohlaydiganlar uchun yordamchi. Bozorlikni shunchaki joylab qo‘ymaysiz — keyin ishlatishga qulay qilib tayyorlaysiz.