Protsessor Intel Core i9-14900K LGA1700 24 yadro 32 oqim

Intel Core i9-14900K Intel kompaniyasining 14-avlod Raptor Lake Refresh arxitekturasiga asoslangan eng yuqori unumdor protsessorlardan biri hisoblanadi. Ushbu model gibrid arxitekturaga ega bo‘lib, 24 ta yadrodan iborat: 8 ta Performance yadro va 16 ta Efficient yadro. Umumiy hisobda 32 ta oqimni qo‘llab-quvvatlaydi va zamonaviy o‘yinlar, professional dasturlar hamda ko‘p vazifali ish jarayonlari uchun juda yuqori samaradorlikni ta’minlaydi.

Protsessorning bazaviy chastotasi 2.4 GHz bo‘lib, Intel Turbo Boost va Turbo Boost Max texnologiyalari yordamida yuklama vaqtida juda yuqori chastotalarga chiqadi. 36 MB hajmdagi L3 kesh xotira katta hajmdagi ma’lumotlarni tez qayta ishlashga yordam beradi va tizim umumiy ishlash tezligini sezilarli darajada oshiradi.

Intel Core i9-14900K LGA1700 soketi uchun mo‘ljallangan va Intel 600 hamda 700 seriyali chipsetli ona platalar bilan mos ishlaydi. Ushbu modelda Intel UHD Graphics 770 integratsiyalashgan grafik yadrosi mavjud bo‘lib, multimedia ishlari va oddiy grafik vazifalar uchun ishlatilishi mumkin.

“К” indeksiga ega bo‘lganligi sababli protsessor ochiq multiplikator bilan keladi va overclock qilish imkonini beradi. Ushbu model yuqori darajadagi o‘yin kompyuterlari, professional ish stansiyalari, video montaj, 3D modellashtirish va boshqa resurs talab qiluvchi vazifalar uchun mos keladi. OEM versiyasi sovutgichsiz yetkazib beriladi va alohida sovutish tizimi bilan ishlatiladi.