Plemya Zippoli, David Nel' Lo Kolom

Gilyermo kitob o‘qishni yoqtirmaydigan bola. Uning oilasida esa kitobxonlikka alohida mehr bilan qarashadi: ota-onasi mutolaani yaxshi ko‘radi, akasi Niko esa doimo yangi bir asarga sho‘ng‘ib ketadi. Gilyermo uchun esa kitob o‘qish zerikarli mashg‘ulotdek tuyuladi. U bo‘sh vaqtini boshqa qiziqarli mashg‘ulotlar bilan o‘tkazishni afzal ko‘radi va yaqinlarining uni kitobga qiziqtirishga urinishlari ham dastlab samara bermaydi.

Bir kuni maktab kutubxonasida Gilyermo «Племя Зипполи» nomli g‘ayrioddiy kitobga duch keladi. Bu asarning o‘ziga xos jihati shundaki, uni o‘qigan har bir inson unda o‘ziga xos voqealarni tasavvur qiladi. Qiziqishi ortib borgan Gilyermo asta-sekin kitobning sirli olamiga sho‘ng‘iydi. Uning tasavvuri va hayoloti yangi imkoniyatlarni ochib beradi, mutolaa esa bola uchun kutilmagan sarguzashtga aylanadi.

Asarda Gilyermoning akasi Niko, do‘sti Lyudoviko, ota-onasi va maktabdagi tengdoshlari bilan munosabatlari ham muhim o‘rin tutadi. Ularning o‘zaro muloqoti orqali bosh qahramonning xarakteri, ichki kechinmalari, mustaqil bo‘lishga intilishi va ulg‘ayish jarayoni ochib beriladi. G‘ayrioddiy kitob Gilyermoga nafaqat mutolaaga, balki o‘ziga va atrofidagi insonlarga ham boshqacha nazar bilan qarashni o‘rgatadi.

«Племя Зипполи» — tasavvur, do‘stlik, oilaviy munosabatlar va kitobxonlik zavqi haqida hikoya qiluvchi qiziqarli bolalar qissasi. Muallif har bir inson bir xil hikoyani o‘zicha qabul qilishi va kitoblar inson hayotida yangi olamlarni ochishi mumkinligini ko‘rsatadi. Asar sarguzashtli voqealarni, sirli hikoyalarni va xayolot olamini yoqtiradigan bolalar, shuningdek, kitob o‘qishga hali qiziqmagan yosh kitobxonlar uchun ham mos keladi.