Mashaqqatli hayot so‘qmoqlari — Zulfiya Qurolboy qizi

«Mashaqqatli hayot so‘qmoqlari» — O‘zbekistondagi ilk tadbirkor ayollardan biri sifatida e’tirof etilgan Nazira Shodmonovaning hayot yo‘liga bag‘ishlangan badiiy roman. Muallif Zulfiya Qurolboy qizi bir necha yil davomida qahramonning hayoti va faoliyatini o‘rgangan, uning yaqinlari, farzandlari, qarindoshlari va biznesdagi hamkorlari bilan suhbatlashgan. Shu izlanishlar asosida qahramonning murakkab, ammo ibratli hayot yo‘li badiiy tarzda yoritilgan.

Asarda Nazira Shodmonovaning mehnat faoliyati, duch kelgan qiyinchiliklari, erishgan yutuqlari va yo‘qotishlari, quvonch va iztiroblari tasvirlanadi. Qahramonning har qanday vaziyatda o‘ziga bo‘lgan ishonchini yo‘qotmasligi, qiyinchiliklar oldida taslim bo‘lmasligi va katta maqsadlar sari intilishi asarning asosiy g‘oyalaridan biridir. Roman orqali mehnatsevarlik, matonat, tadbirkorlik, oilaga sadoqat va insonning ichki kuchi kabi mavzular ochib beriladi.