JP"SIMPLE-U" epoksid smolasi. Rasmlar va taqinchoqlar uchun

JP "SIMPLE-U" epoksid smolasi rangtasvir (jivopis) uchun juda mos keladi

• Qatlam balandligi: 1-5 mm.
• Shaffof, quyuq, hidsiz, sarg‘aymaydi, juda tez qotadi!
• To‘liq qotish vaqti: 10 soat.

JP "SIMPLE-U" EPOKSID SMOLASINI (Quyuq smola) QUYISH BO‘YICHA XARAKTERISTIKALAR VA YO‘RIQNOMA

MUHIM! KOMPONENTLAR PROPORSIYALARINI O‘LCHASH UCHUN ALBATTA ELEKTRON TAROZIDAN FOYDALANING, chunki ko‘pincha epoksid smolasi komponentlari idishlarga me’yoridan ortiqcha quyilgan bo‘lishi mumkin!

Smola va qotiruvchi proporsiyalarini o‘lchash uchun o‘lchov stakanidan foydalanish QAT’IYAN TAQIQLANADI! Faqatgina tekis yuzaga o‘rnatilgan, soz va kalibrlangan ELEKTRON TAROZIDAN foydalaning!

MAKSIMAL QUYISH BALANDLIGI

• 1 kg gacha bo‘lgan hajmda quyilganda, quyish qatlamining maksimal balandligi 1.5 sm gacha ruxsat etiladi (ustaxonadagi harorat 18°C bo‘lganda).
• 1 kg va undan ortiq hajmda quyilganda, maksimal ruxsat etilgan quyish qatlami 1 sm (ustaxonadagi harorat 18°C bo‘lganda).

SMOLA RANGI: to‘liq shaffof va rangsiz (zarurat bo‘lganda epoksid smolasini epoksid smolalari uchun mo‘ljallangan maxsus bo‘yoqlar yordamida har qanday rangga bo‘yash mumkin).

TO‘LIQ QOTISH VAQTI: smolaning qotish vaqti 10-15 soat (ustaxonadagi harorat va namlikka qarab. Harorat qanchalik past va namlik yuqori bo‘lsa, smolaning qotish vaqti shunchalik uzoq bo‘ladi (va aksincha, ustaxonada harorat qanchalik yuqori bo‘lsa, quyilgan smola shunchalik tez qotadi).

SMOLA\QOTIRUVCHI ARALASHTIRISH PROPORSIYASI: (Smola: 700 gr + qotiruvchi: 300 gr).*

KOMPONENTLAR PROPORSIYALARINI O‘LCHASH UCHUN ALBATTA ELEKTRON TAROZIDAN FOYDALANING, chunki ba’zida epoksid smolasi komponentlari idishlarga me’yoridan ortiqcha quyilgan bo‘lishi mumkin!

UF NURLARIGA CHIDAMLILIGI: chidamli. Vaqt o‘tishi bilan sarg‘aymaydi va xiralashmaydi (*to‘g‘ridan-to‘g‘ri ultrabinafsha nurlarining o‘ta intensiv va uzoq muddatli ta’siri bo‘lmagan taqdirda. Mo‘tadil quyosh nuri smola uchun xavfli emas, chunki smola tarkibida maxsus himoya qiluvchi «UF-filtr» qo‘shimchasi mavjud).

KICHRISH (USADKA): Umuman yo‘q!

YAROQLILIK MUDDATI: 1 yil (uzoq muddatli saqlash qorong‘i, salqin xonada, mahkam yopilgan idishda, plyus haroratda amalga oshirilishi kerak). Qotgan holatda xizmat qilish muddati cheklanmagan.

QUYISH BO‘YICHA YO‘RIQNOMA

• "Art" epoksid smolasi shaffof va juda quyuqdir. Ishni boshlashdan oldin, qotiruvchini aralashtirish qulay bo‘lishi uchun epoksidni biroz qizdirib, suyultirish tavsiya etiladi. Smolani suv hammomida, mikrotolqinli pechda yoki boshqa har qanday usulda qizdirish mumkin. AMMO agar sizga aynan juda quyuq smola kerak bo‘lsa, qotiruvchini qo‘shishdan oldin uni umuman qizdirmaslik ham mumkin. O‘z xohishingizga ko‘ra ish tuting.
• Smolaga qotiruvchini qo‘shing. So‘ngra aralashmani tayoqcha yoki mikser yordamida yaxshilab aralashtiring. Yodda tuting, bo‘lajak quyilmaning sifati ikki komponentning yaxshi aralashishiga bog‘liq! Smolani astoydil, past tezlikda (taxminan 5-10 daqiqa) aralashtirishga harakat qiling, epoksid aralashmasiga ortiqcha havo pufakchalari tushishidan saqlaning. Shu bosqichning o‘zida, zarurat bo‘lsa, epoksid aralashmasiga bo‘yoqlar (kolerlar) yoki boshqa dekorativ qo‘shimchalar (lyuminofor, marvarid va b.) qo‘shish mumkin.
• Epoksid aralashmasini oldindan tayyorlangan, germetizatsiya qilingan (teshiklari yopilgan) qolipga yoki bo‘shliqqa quying.
• (Yodda tuting, epoksid smolasining suv bilan aloqa qilishiga yo‘l qo‘yib bo‘lmaydi! Smolaga suv tushishi natijasida u xiralashishi yoki qotmay qolishi mumkin!)

*Smola qotganidan keyin uni qolipdan oson ajratib olish uchun, quyishni boshlashdan oldin qolipning ichki yuzasiga internet-do‘konimizda (g.page/TorgoviydomJP?gm) sotiladigan maxsus «Ajratuvchi mum» (Razdelitelniy vosk) sepishni yoki smola yopishmaydigan silikon moldlardan (qoliplardan) foydalanishni tavsiya etamiz.

• Keyin qo‘l gaz gorelkasi, fen yoki korrektor yordamida quyilma yuzasidagi mayda havo pufakchalarini yo‘qoting.
• Pufakchalarni epoksid quyilmasi maksimal darajada toza va shaffof bo‘lgunga qadar yo‘qotishda davom eting. Shuningdek, epoksid quyilmasini gorelka yoki fen bilan ortiqcha qizdirib yubormaslikni tavsiya qilamiz, chunki bu smolaning qizib ketishi va qaynashiga sabab bo‘lishi mumkin. Agar pufakchalarni yo‘qotish uchun korrektordan foydalansangiz, uni juda ko‘p va tez-tez sepmang, chunki korrektorning ortiqcha miqdori qotgan epoksid quyilmasining mustahkamligiga sezilarli darajada ta’sir qilishi mumkin!
• Smolaning to‘liq qotish vaqti 10 soatdan 20 soatgacha (ustaxonadagi harorat va namlikka qarab. Harorat qanchalik past va namlik yuqori bo‘lsa, smolaning qotish vaqti shunchalik uzoq bo‘ladi. Shuningdek, smolaning qotish vaqti qotiruvchi qo‘shilishidan oldin smola qanchalik issiq qizdirilganiga ham to‘g‘ridan-to‘g‘ri bog‘liq (smola qanchalik issiq bo‘lsa, u shunchalik tez qotadi).

*Agar sizga bir necha qatlamli baland quyilma qilish kerak bo‘lsa, birinchi qatlamni quygandan keyin taxminan 5-8 soat kutish kerak (bu vaqtga kelib quyilmadagi kimyoviy reaksiya cho‘qqisi pasayadi va u jele simon konsistensiyaga keladi), shundan so‘ng kerakli darajaga yetguncha epoksid smolasining ikkinchi qatlamini quyish mumkin. (Ya’ni, keyingi qatlamni quyish uchun oldingi qatlamning to‘liq qotishini kutish shart emas).

MUHIM! Do‘stlar, shunga e’tibor beringki, smolaning qotish vaqti faqatgina ustaxonadagi haroratga emas, balki bir marta quyilayotgan massa hajmiga ham bog‘liq: quyilma massasi qanchalik kam bo‘lsa, smola shunchalik uzoq vaqtda qotadi (va aksincha, quyilma massasi qanchalik ko‘p bo‘lsa, u shunchalik tez qotadi).