Ichki kasalliklar

So'nggi yillarda ichki kasalliklarning etiologiyasi, patogenezi, diagnostikasi va davolashni takomillashtirishda sezilarli ijobiy natijalarga erishildi. Bu, birinchi navbatda, yangi zamonaviy laboratoriya va instrumental tekshirish usullarini amaliyotga joriy etish va yuqori samarali dori vositalarini yaratish bilan bog'liq. Biroq, shunga qaramay, butun dunyoda, shu jumladan O'zbekistonda ham aholi orasida keng tarqalgan yuqumli bo'lmagan kasalliklar ko'paymoqda. Buning bir qator ob'ektiv va sub'ektiv sabablari bor, ulardan biri yuqorida keltirilgan zamonaviy usullar bilan amalda ishlaydigan shifokorlarning xabardorligi va so'nggi yillarda talabalar uchun lotin tilida darsliklar nashr etilmaganligi. Shuni hisobga olgan holda, lotin tilida qayta nashr etilgan ushbu darslik tibbiyot institutlarining tibbiyot va tibbiyot-pedagogika fakultetlarining IV-VI kurslari talabalarining o'quv dasturiga muvofiq tibbiyotning so'nggi yutuqlari asosida tayyorlangan. Unda aholi orasida keng tarqalgan ichki kasalliklar batafsil yoritilgan. Darslikdan nafaqat talabalar, balki amalda ishlaydigan shifokorlar ham foydalanishlari mumkin.

COVID-19 infektsiyasi va unga bog'liq organlarning shikastlanishi butun dunyoda, shu jumladan respublikamizda keng tarqalganligini hisobga olib, ushbu nashrga unga bag'ishlangan yangi bob qo'shildi.