Guliston Bo'ston, Sa'diy Sheroziy

Sharq-u G‘arbda Sa’diy nomi bilan shuhrat qozongan mutafakkir san’atkor, ko‘plab xalqlarning ulug‘ shoirlari o‘zlariga ustoz deb bilgan Shayx Sa’diyning asl ismi Musharrafiddin ibn Muslihiddin Abdullohdir. U 1184-yilda Eron sivilizatsiyasining qadimiy o‘chog‘i bo‘lgan Sherozda davlat xizmatchisi oilasida tug‘ilgan. Sa’diyning otasi Sheroz hokimi Sa’d binni Zanjiy saroyida xizmat qilgan. U otasi Sa’diyning tarbiyasi bilan jiddiy shug‘ullangan, lekin to‘satdan vafot etgan. Yetim qolgan Sa’diy va uning ukasiga davlat tomonidan oz miqdorda nafaqa tayinlandi. Sherozda toj-u taxt uchun kurash avj olgan bir paytda Sa’diy 1226-yilda Bag‘dodga borib, "Nizomiya" madrasasida tahsil oladi. Bu yerda o‘sha davrning mashhur olimi Abdulfaraj Abdurahmon ibn Javziy (1186-1257) dan ta’lim oladi. Adib madrasada tahsil olgach, Eron, Janubiy Yevropa, Kichik Osiyo, Arab va O‘rta Osiyo, Hindiston va Xitoyda bo‘ladi. U o‘ttiz yil davomida turli mamlakatlarga sayohat qildi, turli xalqlar orasida bo‘ldi, ba’zan chet elliklar va savdo karvonlarini himoya qildi, qaroqchilar bilan janglarda qatnashdi, salibchilar qurshovida asirga tushdi va do‘stlaridan biri uni qutqarib qoldi.

Sa’diy umrining so‘nggi yillarini uzlatda, zamonasining munofiq va razil kishilaridan uzoqda ijodiy ish bilan o‘tkazdi. Sa’diy uzoq umr ko‘rib, 1292-yilda vafot etadi. U dafn etilgan bog‘ va maqbara juda go‘zal bo‘lib, doimo Sheroz mehnatkashlari va butun dunyo sayyohlari uchun sevimli joy bo‘lib kelgan. Sa’diy Sharqning daho ijodkorlari ichida eng mehnatkash, sermahsul va sayyohidir. U 30-yil o‘qidi, 30-yil sayohat qildi, 30-yil badiiy ijod bilan shug‘ullandi.

Sa’diy Sheroziy

Nashriyot: "G‘afur G‘ulom"

Hajmi: 264 bet

O‘lchamlari: 13.5x20.5

Bichimi: 84×108 1/32

ISBN: 978-9943-03-572-0

Muqova: yumshoq