Cho'ziladigan sug'orish shlangi — bog', hovli va mashina uchun, 7 rejimli purkagich

Cho'ziladigan sug'orish shlangi — bog', hovli va mashina uchun

Suv bosimi ostida uzayadigan yengil shlang. Suvni yopganingizda o'zi qisqarib, ixcham holatga qaytadi — o'ram qilib yig'ish va joy topish shart emas.

Eng muhim narsa: o'lchamni to'g'ri tushuning

Variantdagi raqam — bu suv bosimida cho'zilgandagi uzunlik. Shlang taxminan uch barobar uzayadi, ya'ni suvsiz holatda u uch barobar kalta ko'rinadi:

• 15 m variant — suvsiz holatda taxminan 5 m
• 22 m variant — suvsiz holatda taxminan 7–8 m
• 30 m variant — suvsiz holatda taxminan 10 m
• 45 m variant — suvsiz holatda taxminan 15 m
• 60 m variant — suvsiz holatda taxminan 20 m

Shuning uchun quvurdan eng uzoq nuqtagacha bo'lgan masofani o'lchang va o'sha masofadan kattaroq variantni tanlang. Qutidan chiqqan shlang kalta ko'rinsa — bu nuqson emas, suv berilganda uzayadi.

Xususiyatlari

• Purkagich: 7 ta sug'orish rejimi, tutqichni qulflash tugmasi
• Cho'zilishi: suv bosimida ~3 barobar, suv yopilganda o'zi qisqaradi
• Vazni: yengil, bir qo'lda ko'tariladi
• Qo'llash: bog', tomorqa, hovli yuvish, mashina yuvish
• Kafolat: 6 oy

Qanday ishlatiladi

1. Shlangni jo'mrakka ulang, ulanish joyini qo'l bilan mahkam buraб qo'ying.
2. Suvni asta-sekin oching — birdan to'liq ochmang. Shlang o'zi to'lib uzayadi.
3. Ishni tugatgach: avval jo'mrakni yoping, keyin purkagich tugmasini bosib ichidagi suvni to'liq chiqaring.
4. Suv chiqib bo'lgach shlang o'zi qisqaradi — shundan keyin yig'ib qo'ying.

Uzoq xizmat qilishi uchun

• Ichida suv qolgan holda tashlab qo'ymang — bu shlangni ichidan yorilishiga olib keladigan asosiy sabab.
• Suv bosimi juda kuchli bo'lsa jo'mrakni yarim oching.
• Shlangni tortmang va bir joyga ilib qo'ymang — uzayganda o'zi yetib boradi.
• Quyosh ostida to'lgan holda uzoq qoldirmang.
• Qishda quruq va sovuqdan himoyalangan joyda saqlang.

Buyurtma berishdan oldin bilib qo'ying

• Bu yengil uy sharoiti uchun shlang, doimiy bosim ostida ishlaydigan sanoat shlangi emas.
• Cho'ziluvchan shlanglar qattiq rezina shlangdan yengilroq, lekin o'tkir tosh va temir uchiga chidamsizroq — yer bo'ylab sudramang.
• Rang va uzunlik bitta variantda birlashtirilgan — buyurtmada uzunlikni tekshirib oling.

Yetkazib berishda

Topshirish punktida qutini oching: shlang, purkagich va ulagichlar bor-yo'qligini, matoda yirtiq yo'qligini tekshiring va uzunlik yorlig'i siz tanlagan variant ekanini solishtiring. Kamchilik bo'lsa — o'sha yerda sotuvchi chatiga yozing, 24 soat ichida hal qilamiz.