Binafsha shu'lasi

Sokin va osoyishta o‘lkalardan birida qator uylar devor bilan o‘rab olindi. Bu uylarning egalari o‘z binolarini o‘z qiymatidan bir necha barobar qimmatroqqa sotishgan. Devorlar bitgach, ichkaridagi xonadonlar tinimsiz buldozerlar yordamida bir tekisda buzib tashlandi. Qo‘shnilar bu manzarani hayrat bilan kuzatib turishardi. Oradan bir necha kun o‘tgach, atrofi o‘rab olingan joyda ustaxonaga o‘xshash katta bino paydo bo‘ldi va unda ish qizib ketdi. Mahalla aholisi orasida ushbu ulkan hududda yirik biznes markazi yoki turar joy majmuasi qurilishi haqida mish-mishlar tarqaldi. Ammo vaqt o‘tishi bilan bu yerda qanday bino qurilayotganining dastlabki belgilari paydo bo‘ldi: bir necha xonadonni o‘z ichiga olgan hovli betakror me’moriy dizaynga ega bo‘lib, bu yerda ulkan va hashamatli qasr qurilayotganidan dalolat berardi.