Avtomobil old oynasi uchun quyoshdan himoyalovchi g‘ilof

Avtomobil old oynasi uchun universal himoya g‘ilofi mashinani yilning barcha fasllarida tashqi ta’sirlardan himoya qilishga yordam beradi. Yozda quyosh nurlarini qaytarib, avtomobil salonining haddan tashqari qizib ketishini kamaytiradi, rul, panel va o‘rindiqlarning qizishini oldini olishga ko‘maklashadi. Qishda esa old oynani qor, muz va qirovdan himoya qiladi, natijada ertalab oynani uzoq vaqt tozalashga hojat qolmaydi.

G‘ilof old oynani, oyna tozalagichlarni va yuvish forsunkalarini to‘liq yopadi. Yon qismlaridagi maxsus quloqchalar avtomobilning yon ko‘zgulariga kiydiriladi va ularni chang, yog‘ingarchilik, muz hamda qushlardan himoya qiladi. Ko‘zgu qoplamalaridagi yorug‘lik qaytaruvchi chiziqlar qorong‘i vaqtda avtomobilning ko‘rinishini yaxshilashga yordam beradi.

Mahsulot avtomobilga bir necha tomondan mahkamlanadi. Yon quloqchalari eshik ichiga kiritilib, eshiklar bilan qisib qo‘yiladi, pastki qismidagi magnitlar esa g‘ilofni kapotga mustahkam ushlab turadi. Shu sababli shamolli ob-havoda ham g‘ilof joyidan siljib ketmaydi va begona odam tomonidan yechib olinishi qiyinlashadi.

Ko‘p qatlamli materialdan tayyorlangan bo‘lib, namlik, shamol, sovuq va to‘g‘ridan-to‘g‘ri tushadigan quyosh nurlariga chidamli. Yumshoq ichki qismi avtomobil kuzoviga zarar yetkazmaydi. G‘ilof yengil, buklanadigan va saqlash uchun kam joy egallaydi. Uni avtomobilga o‘rnatish va yechib olish bir necha daqiqa vaqt oladi.

Ko‘pchilik yengil avtomobillar uchun mos keladigan ushbu universal g‘ilof mashinani yozda issiqdan, qishda esa qor va muzdan himoya qilish uchun qulay va amaliy yechimdir.