ARTRA ELASTIK MSM

• Bo'g'imlarda og'riq

ARTRA ELASTIK MSM

Chiqarilish shakli:

Ichish uchun tabletkalar.

2 ta tabletkadagi tarkib:

Faol moddalari:

• Glyukozamin gidroxlorid – 832 mg
• Xondroitin sulfat natriy – 736 mg
• Metilsulfonilmetan (MSM) – 600 mg
• Gialuron kislota – 20 mg

Yordamchi moddalari:

Kraxmal, talk, magniy stearat.

Faol moddalarning xossalari:

Glyukozamin – sinovial suyuqlikdagi proteoglikanlar va gialuron kislotasining sintezini rag‘batlantiradi; bo‘g‘im kapsulasining o‘tkazuvchanligini oshiradi, sinovial membrana va bo‘g‘im tog‘ay hujayralarida fermentativ jarayonlarni tiklaydi. Suyak to‘qimasida kaltsiyning to‘g‘ri yotqizilishini osonlashtiradi.

Xondroitin sulfat – bog‘lamlar, tog‘ay to‘qimalari va sinovial suyuqlik tarkibiy qismi. Gialuron kislotasi, proteoglikanlar va II tip kollagen sintezini rag‘batlantiradi, sinovial suyuqlikning yopishqoqligini ta’minlaydi, tog‘ayni tiklash mexanizmlarini qo‘llab-quvvatlaydi va tog‘ayni parchalaydigan fermentlar (elastaza, gialuronidaza) faoliyatini susaytiradi.

Metilsulfonilmetan (MSM) – organizm uchun oson o‘zlashtiriladigan oltingugurt manbai bo‘lib, biriktiruvchi to‘qimalar tarkibidagi oqsillarning ajralmas qismidir. MSM yallig‘lanish jarayonlari rivojlanishi xavfini kamaytiradi, kollagen oqsillarining sintezini tezlashtiradi va bo‘g‘imlar sog‘lig‘ini saqlab turishda yordam beradi.

Gialuron kislota – bo‘g‘imlar biologik moylash moddasining tarkibiy qismi bo‘lib, tog‘ay to‘qimalarining elastikligiga ta’sir qiladi, ularni yeyilishdan himoya qiladi. Kollagen, suyak, tog‘ay va paylarning mustahkamligi aynan gialuron kislotaga bog‘liq.

Qo‘llanilishi:

ARTRA ELASTIK quyidagi holatlarda tavsiya etiladi:

• Bo‘g‘im jarohatlaridan keyingi tiklanish davrida;
• Qarilikda, suyak va bo‘g‘im tizimi tabiiy eskirganida;
• Katta bo‘g‘imlar artrozi, umurtqa osteoxondrozi holatlarida;
• Soch, tirnoq va teri holatini yaxshilash uchun;
• Sport va jismoniy faollikdan keyingi diskomfortni kamaytirish uchun, ortiqcha vazn bo‘lsa ham;
• Suyak, bo‘g‘im va paylarni mustahkamlash uchun, ayniqsa yoshi katta odamlarda;
• Pay, mushak va bog‘lamlarning elastikligini yaxshilash uchun.

Qo‘llash usuli:

Voyaga yetganlar va 18 yoshdan katta bolalarga: kuniga 1 marta ovqat vaqtida 2 tabletka. Davolash kursi – 2 oy. Zarurat tug‘ilganda, mutaxassis tavsiyasi bilan kursni takrorlash mumkin.

Nojo‘ya ta’sirlari:

Allergik reaksiya va yengil hazm qilish buzilishlari bo‘lishi mumkin.

Noqulayliklar sezilganda preparatni qabul qilishni to‘xtating.

Qo‘llash mumkin bo‘lmagan holatlar:

• Preparat tarkibiga individual sezuvchanlik;
• 18 yoshgacha bo‘lgan bolalar;
• Homiladorlar va emizikli ayollar.

Maxsus ko‘rsatmalar:

Faqat tavsiya etilgan dozada qabul qiling. Qabul qilishdan oldin shifokor bilan maslahatlashing.

Saqlash sharoiti:

Asl qadoqda, quruq, yorug‘likdan himoyalangan joyda, 25°C dan yuqori bo‘lmagan haroratda, bolalar ololmaydigan joyda saqlang.

Yaroqlilik muddati: 3 yil.

Ishlab chiqaruvchi:

AQUA medical İlaç, Esentepe Mah, 2953. Sk. 11 Blok D:No54, Sultangazi / Istanbul / Türkiye.