Juda kamyob va qimmatbaho Adenium navi urugʻlari. Koʻp yillik bargli sekkulend, oʻz turining eng baland va baquvvat vakili boʻlib, oʻzining syurrealistik shakli bilan e'tiborni tortadi.

Tailand Adenium Soqotranumi (adenuim socotranum) — Adenium Arabicum’ning eng yirik vakili boʻlib, oʻzining noyob tashqi koʻrinishi bilan mashhur. U oʻzining bagʻri keng, yoʻgʻon poyasi (kaudeks) va koʻplab shox-shabbalari bilan ajralib turadi. Arabicum’ning ushbu navi Tailandda yetishtirilgan, nomi ham shundan kelib chiqqan.

Adeniumlar nafaqat yorqin gullari, balki noodatiy yoʻgʻon poyalari uchun ham qadrlanadi. Ularni yillar davomida tuvakda oʻstirish mumkin va odatda bonsai san'atida keng qoʻllaniladi.

Tadbiiy muhitda toshlar orasida, qumda yoki quruq, suvni yaxshi oʻtkazuvchi tuproqda oʻsadi. U quruq iqlim va kuchli musson shamollariga bardosh berishga yordam beradigan bir qancha morfologik va fiziologik xususiyatlarga ega. Thai Socotranum kaudeksida hujayra sharbatining maxsus sikliga ega boʻlib, bu oʻsimlikning ortiqcha qizib ketishining oldini oladi. Oʻsimlik gavdasi sharshaksimon yoki ustunsimon boʻlib, sirt maydoni kichraytirilgani sababli namlikning bugʻlanishi kamayadi.

Xona sharoitida odatda balandligi 50 sm dan oshmaydi. Barglari toʻq yashil rangda boʻlib, tomirlari aniq koʻrinib turadi. Gullari pushti rangda, diametri 8 sm gacha yetadi, bahorda oʻsimlik hali barg chiqarmagan paytda bir necha hafta davomida gullaydi.

Agar yetarlicha quyosh nuri va issiqlik berilsa, ushbu oʻsimliklarni oʻstirish qiyin emas. Shuning uchun Socotranum solingan tuvakni quyoshli deraza tokchasiga qoʻying. Barcha sekkulentlar kabi, ular ham suvning toʻplanib qolishiga chidamsizdir. Sekkulentlar va kaktuslar uchun moʻljallangan maxsus tuproq aralashmasidan foydalaning.

Sugʻorish bahor-yoz davrida amalga oshiriladi. Qishda suv miqdorini kamaytiring, lekin barglarni saqlab qolish uchun tuproqni biroz nam holatda tutib turing.

Adenium soqotranum yaxshi drenajlangan sekkulent aralashmasini afzal koʻradi. Bahor va yozda qadoqdagi koʻrsatmalarga amal qilgan holda sekin ajraladigan yoki suyuq oʻgʻitlardan foydalaning.

Urugʻlarni undirish boʻyicha yoʻriqnoma

Ivitish: Ekishdan oldin urugʻlarni xona haroratidagi suvda 20–30 daqiqa davomida ivitib oling.
Tuproq tayyorlash: Adenium urugʻlarini undirish uchun torf va perlitning 1:1 nisbatidagi aralashmasi eng ma'qul keladi. Tuvak tubiga drenaj uchun keramzit soling, tuvak tubida albatta drenaj teshiklari boʻlishi kerak.
Ekish: Tayyorlangan tuproqni soling va u yaxshilab namlanishi uchun suv quyib oling. Urugʻlarni tuproq yuzasiga eking, ularni koʻmib tashlamang. Urugʻlarni tuproqqa koʻmmaslik juda muhim, aks holda ular chirib ketishi mumkin.
Issiqxona effekti: Tuvakni shaffof selofan bilan yoping va issiq joyga qoʻying. Urugʻlar va tuproq nam boʻlib turishi uchun kerak boʻlganda purkagich (pulverizator) orqali suv sepib turing. Shuningdek, undirish uchun tayyor mini-issiqxonalardan foydalanish mumkin, oʻsimliklar mustahkamlangach, ularni alohida tuvaklarga koʻchirib oʻtqazasiz.
Harorat rejimi: Adenium unib chiqishi uchun optimal harorat 30–35 °C ni tashkil etadi. Pastroq haroratda urugʻlar unib chiqmasligi yoki ularning unuvchanligi pasayib ketishi mumkin. Urugʻlar unib chiqqandan soʻng haroratni xona haroratigacha tushirish mumkin.