Келишда нон олиб келинг, Шермин Яшар

Китоб ҳақида:

Шермин Яшарнинг “Келишда нон олиб келинг” асари — бу оддий ҳаётий ҳикоя эмас, бу юракдан чиққан, сизни ҳам ўзингиз билан юзма-юз қолдирадиган чинакам дарддир. Китоб ўз ичига болаликдаги йўқотишлар, отасизлик, ёлғизлик ва ички саволларга жавоб излаш сингари оғриқли мавзуларни олади. Лекин муаллиф бу оғриқларни шунчаки айтмайди — уларни юрагингизда ҳис қиласиз.

Ушбу китобни ўқигач, сиз ҳам “Отанинг йўқлиги нимани англатади?”, “Инсон ичидаги бўшлиқ билан қандай яшайди?” деган саволлар устида чуқур ўйлаб қоласиз. Ҳар бир саҳифа — бу ички сукунатдаги бақириқ, ҳар бир сатр — инсон қалбининг ичкарисида кечаётган, лекин айтилмаган сўз.