• Эмили Бронте: Бўронли довон
Инглиз адибаси Эмили Бронте жуда эрта ўттиз ёшида вафот этган. Руҳонийнинг қизи бўла туриб, тўрт девор ичида қандай қилиб бундай исёнкор асар ёзгани адабиётшуносларни ҳалигача ўйлантириб келади.
"У жуда ёмон роман. У жуда яхши роман. У жуда расво, шу билан бирга жуда гўзал. Даҳшатли, оғриқли, кучли ва эҳтиросли асар", деганди Сомерсет Моэм ушбу китоб ҳақида.
Асарда икки сулола Эрншо ва Линтонлар ўртасидаги муносабат, бахтсиз тақдирлар қаламга олинган. "Бўронли довон" романи ўқувчи қалбида қарама-қарши туйғуларни уйғотади бир вақтнинг ўзида ҳам севиб, ҳам нафратланасиз.

