Артра Эластик

• Глюкозамин

• хондроитин

• при артрозе

• Остеохондроз

• добавки для пожилых

• добавки для сопртсменов

• хондропротектор

• при болях в суставах

Qo‘llash bo‘yicha yo‘riqnoma

ARTRA ELASTIK

Chiqarilish shakli:

Ichga qabul qilish uchun tabletka.

1 tabletka tarkibi:

Faol komponentlar:

• Glyukozamin – 500 mg
• Xondroitin natriy sulfat – 500 mg
• Kollagen II turi – 20 mg

Yordamchi moddalar:

Kraxmal, talk, magniy stearat.

Kimyoviy tarkibi va faol ingredientlarning xususiyatlari:

Glyukozamin – sinovial suyuqlikdagi proteoglikanlar va gialuron kislotasining sintezini rag‘batlantiradi; bo‘g‘im kapsulasining o‘tkazuvchanligini oshiradi, sinovial membrana va bo‘g‘im to‘qimalarida fermentativ jarayonlarni tiklaydi. Suyak to‘qimalarida kaltsiyning normal so‘rilishini osonlashtiradi.

Xondroitin natriy sulfat – boylam va tog‘ay to‘qimalarining hamda sinovial suyuqlikning tarkibiy qismi hisoblanadi. Gialuronat, proteoglikanlar va II tur kollagen hosil bo‘lishini rag‘batlantiradi, sinovial suyuqlikning quyuqligini qo‘llab-quvvatlaydi, tog‘ayni tiklash mexanizmlarini rag‘batlantiradi va tog‘ayni yemiruvchi fermentlar (elastaza, gialuronidaza) faolligini kamaytirishda ishtirok etadi.

Kollagen II turi – oson hazm bo‘ladigan kollagen hisoblanadi. Tog‘ay to‘qimalari, skelet, boylamlar va tishlarning shakllanishida qatnashadi; yangi hujayralarning tiklanishi va o‘sishini rag‘batlantiradi, ularning membranalarini mustahkamlaydi; terining elastikligi va mustahkamligini tiklaydi.

Qo‘llanilishi:

ARTRA ELASTIK quyidagi holatlarda tavsiya etiladi:

• Bo‘g‘im jarohatlaridan so‘ng tiklanish davrida;
• Keksalikda suyak-tog‘ay tizimi fiziologik yemirilishga uchraganida;
• Tayancho-harakat tizimining funksional holatini yaxshilashda (katta bo‘g‘imlarning osteoartriti, umurtqa pog‘onasi osteoxondrozi);
• Soch, tirnoq va teri tuzilishini yaxshilashda;
• Muntazam jismoniy faollik va sport yuklamalari ortganida;
• Kundalik jismoniy faoliyatdan so‘ng noqulaylik hissini oldini olish uchun, shu jumladan ortiqcha vaznli insonlarda;
• Yoshlar va keksa insonlarda suyak, boylam va bo‘g‘imlarni mustahkamlashda;
• Tog‘ay, mushak va boylamlarning elastikligini oshirishda.

Qo‘llash usullari:

Kattalar va 18 yoshdan katta bolalarga:

• Dastlabki 3 hafta davomida kuniga 2 mahal 1 tadan tabletka;
• Keyingi haftalar va oylar davomida – kuniga 1 mahal 1 tadan tabletka.

Qabul qilish kursi: 3 oy. Mutaxassis tavsiyasiga binoan takroriy kurslar o‘tkazilishi mumkin.

Nojo‘ya ta’siri:

Engil allergik reaksiyalar va dispeptik o‘zgarishlar kuzatilishi mumkin. Agar bu hodisalar yoki noodatiy hislar paydo bo‘lsa, qabul qilishni to‘xtating va shifokorga murojaat qiling.

Qo‘llash mumkin bo‘lmagan holatlar:

• Preparat tarkibiga yuqori sezuvchanlik;
• 18 yoshgacha bo‘lgan bolalar;
• Homilador va emizikli ayollar.

Maxsus ko‘rsatmalar:

Preparatni faqat tavsiya etilgan dozada qabul qilish kerak. Ishlatishdan oldin mutaxassis bilan maslahatlashish tavsiya etiladi.

Saqlash sharoiti:

Quruq va qorong‘i joyda, asl qadoqda, 25°C dan yuqori bo‘lmagan haroratda saqlansin.

Saqlash muddati: 3 yil.

Biologik faol qo‘shimcha.

Ishlab chiqaruvchi: ALG İlaç Sanayi Tic. Ltd. / ISTANBUL / Türkiye